“Ttajuähuomenä, Dios ttö’äre ʼca̧huä̧cua̧. Täcö ʼcorupäi’äcuähuä’inä, ajuäcuähuä’inä, tta̧’cua̧ tta̧huȩcuä̧cuä̧huä̧ʼi̧nä̧, ubara ttuhuähuä’inä juiyäcua’a. O’ca juiyönä pä’äji ka̧cui̧nö̧mä̧ ʼcuäopina’a” (Apocalipsis 21:4, Tä̧do̧ Ä̧cua̧ I̧huȩnȩ).

Ujuturu surojö huȩnȩ ʼcuäopönä jȩpö̧mä̧ Diosmä jo̧ca̧ʼa̧ päʼö huäjunä tu̧huo̧jua̧ päʼö ppädaʼa (Santiago 1:13).

Diosmä ubara ttutu huo̧jua̧ päʼö tu̧huo̧juo̧mȩnä̧ ta̧ʼcua̧ tȩmö̧nä̧ ppädaʼa (Lucas 12:6, 7).

Oʼca juiyö ubara ttutunä jȩö̧ yodoji juiyäcuaʼa päʼö esetö tta̧tä̧ra̧ päʼö ppädaʼa (Salmo 37:9-11).

A̧ʼa̧, todäre jo̧mȩnä̧ ka̧ʼa̧:

• Diosmä ubara ttuhuähuä’inä, jueönä jȩä̧cuä̧huo̧cö̧ʼi̧nä̧ juiyo kö’cocö. Mo täbocö Jeohuamä umöhuäyotörö suronä jȩtto̧mȩnä̧, ¿tta̧’a̧nö̧ toina’attö? Dios I̧huȩnȩ Isä’tä päa’a Ja̧u̧ päinö jähuä: “Chumöhuäyotö Egipto rȩjȩnä̧ ka̧cuä̧tö̧mä̧ ubara ttutta’a topinösä. Huotta’a ä̧ju̧cui̧nö̧sä̧” (Hechos 7:34).

  Diosmä adiu topocö korotö ttö̧ja̧rö̧ surojö jȩä̧cuä̧huä̧. Ja̧’hua̧nö̧ ja̧’a̧ttö̧ Dios I̧huȩnȩ Isä’tä päa’a “ttö̧ja̧ suronä jȩpo̧co̧tö̧rö̧ ttucuojä erunä jȩa̧mö̧” Diosmä juiyo kö’cocö (Proverbios 6:16, 17, Traducción del Nuevo Mundo).

• Diosmä a̧mö̧cuä̧rö̧ ya̧tȩ pö̧nä̧rö̧. Ujuturu surojö huȩnȩ ʼcuäopö ujututä huo̧juä̧tö̧jä̧ pätaʼanä Jeohuaʼinä huo̧jua̧, ‘Ja̧u̧tä̧ a̧mö̧cuä̧rö̧ ujuturu’ (1 Pedro 5:7).

  Ya̧tȩ pö̧nä̧rö̧ ubara ttuttunä jȩö̧ yodojinänö Diosmä Chutä Uruhuonä si’epö i̧cuä̧cua̧ (Mateo 6:9, 10). Pi̧yȩ ʼcuäopö mo̧ro̧ rȩbȩhua̧ʼa̧nä̧, Diosmä iso päiʼönä Churutä usätörö tta̧ʼcua̧ ttȩma̧ päʼö ttu̧ȩcuä̧nä̧ repe’önö ppäʼädö (Hechos 17:27; 2 Corintios 1:3, 4).