¿Huaquin punchau usuyta sackesúysh?
¿Ninquiman...
-
... ari?
-
... mana?
-
... súmaj canman?
BIBLIA NISCKANTA
«Tata Yaya túcuy hueckesnincunata chaquichipúcoj ʼrin na mana tíaj ʼrin huáñuy ni úsuy ni nánay» (Apocalipsis 21:3, 4, Traducción del Nuevo Mundo, 2019).
CAYCKA NOCKÁYSHPAJ IMA NIYTA MUNAN
Aseguraáysh ima Tata Yayát mana tumpayta atíysh problemasniyshmanta (Santiago 1:13).
Consuelu ckoáysh yachayta ima Tata Yáya unanchan nanayniycuta (Zacarías 2:8).
Suyana ckoáysh ima ámoj pachapi mana tiancka nimapas ima usuchiasúysh (Salmo 37:9-11).
¿BIBLIA NISCKANTA CREÉYPAJ, RASONES TÍAN?
Ari, al menus íshcay:
-
Tata Yaya usuyta y mana alli casckanta chejnin. ¿Imaina Jehová churacora, áicap ñaupa pachapi pueblunta llajtanta ancha sajrát tratarancu? Biblia nin ima nanápoj cara ckaayta sujcunas «ñutúcoj carancu y maltrátaj carancu» (Jueces 2:18).
Tata Yaya chejnin picunas sujcunasta usuchincu. Suj ejemplu, Biblia nin, pay chejnin «maquista ima ichancu yaar inocente» (Proverbios 6:16, 17).
-
Tata Yaya sapa suj nockayshmanta interesacun. Amapas creenqui ima ckamlla ʼrejsinqui «afliciunniyquita y nanayquimanta» ciertu can ima Jehovapas chayta yachan (2 Crónicas 6:29, 30).
Tata Yaya Reinun mana unas puchucancka persunaspa usuyninuan (Mateo 6:9, 10). Chay amunancama, consuelu ckon munayuan tucuycunasta ima sinceridaruan payta mascancu (Hechos 17:27; 2 Corintios 1:3, 4).
TAPUNÁCUY
Tata Yaya, ¿imajchus usunayshta sacken?
Biblia contestasckanta tarinqui ROMANOSPI 5:12 y 2 PEDROMANTA 3:9.
Caytapas gustasuyta atinman
CAMPAÑA ESPECIAL
¿Imajchus Bibliát estudiayta?
Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?
