“He haroꞌi tahi e ia [te ꞌAtua] i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana” (Meꞌe Haka Takeꞌa [Apocalipsis] 21:4).

He aŋi-aŋi pē nei ē, taꞌe o te ꞌAtua te aŋa mo piri mai te ꞌati (Tanatiako 1:13).

He ŋaroꞌa te ora ꞌi roto i te ꞌinaŋa o tātou mo ꞌite pē nei ē, te ꞌAtua e ŋaroꞌa rō ꞌā te tātou mamae (Zacarías 2:8).

Te ꞌite mau pe muꞌa ka oho ena, ꞌina e tahi meꞌe mo haka mamae haka ꞌou i a tātou (Salmo 37:9-11).

ꞌĒ-ē, ꞌī he tapa atu e rua parautiꞌa:

• He enemī mau o te ꞌAtua te mamae ꞌe te haka tere tī-tika kore. ¿He aha te meꞌe i ŋaroꞌa e Iehoha ꞌi muꞌa ꞌā hora tōtōā era tāꞌana nūnaꞌa era ko Israel? Te Puka o te ꞌAtua e kī rō ꞌā pē hē te ꞌAtua e mamae era i te takeꞌa pē hē e tōtōā era i tāꞌana nūnaꞌa e tētahi kāiŋa (Jueces 2:18).

  Meꞌe hopeꞌa o te taꞌe haŋa o te ꞌAtua te taŋata haka mamae i tētahi taŋata. Mo haꞌaauraꞌa atu, te Puka o te ꞌAtua e kī rō ꞌā he enemī mau ꞌāꞌana te taŋata haka pariŋi i te toto o te taŋata riva (Proverbios 6:16, 17).

• Te ꞌAtua e tapa rō ꞌā i te taꞌatoꞌa taŋata. Mo manaꞌu ko koe nō te meꞌe ꞌite i tuꞌu mamae ꞌe i tuꞌu ꞌati, te parautiꞌa, a Iehoha ko ꞌite tahi ꞌana i nei ŋā meꞌe (2 Crónicas 6:29, 30).

  Hai tōꞌona Haka Tere te ꞌAtua he haka kore tahi i te mamae o te taŋata taꞌatoꞌa (Māteo 6:9, 10). ꞌI te hora nei nā e haꞌi mai ena hai here i te māhatu o te nuꞌu mamae e kimi ena i a ia hai parautiꞌa (Aŋa o te ꞌĀpōtoro 17:27; 2 Kōrinto 1:3, 4).