Ka avel li krajo e mukenge?
So ka vakere...
-
oja?
-
na?
-
šaj ka avel?
SO VAKERELA I BIBLIJA
„O Devel... ka kosel sekoja asvin taro lengere jakhja, hem meribe nane te ovel, ni žalibe, ni rojbe, ni dukha“ (Otkrovenie 21:3, 4).
SO ZNAČINELA AKAVA TUKE
Ka ove sigurno kaj o Devel na anela amenge o problemija (Jakov 1:13).
Ka ovel tuke polokhe keda džanea kaj o Devel haljola sar i amenge keda cidaja muke (Zaharija 2:8).
Ka ovel tu nadež kaj sa e mukenge ka avel krajo (Psalm 37:9-11).
ŠAJ LI TE VERUNJA E BIBLIJAKE?
Oja, najhari taro duj pričine:
-
O Devel mrzinela i nepravda hem o bukja so anena muke. Sar sine e Jehovaske keda leskoro narodo ko purano vakti sine mučimo? I Biblija vakerela kaj leske sine pharo bašo adava (Sudiite 2:18).
O Devel na mangela okolen so kerena bilačhipa e javerenge. Na primer, ki Biblija pišinela kaj „o vasta kolendar so thavdela rat e nevina manušengoro“ tane leske gadna (Izreki 6:16, 17).
-
O Devel grižinela pe sekole manušeske. Na samo so sekova amendar korkori džanela pi muka hem pi dukh, nego o Jehova da džanela adava! (2. Letopisi 6:29, 30).
Preku po Carstvo, panda hari o Jehova ka čhinavel sekole manušeskere muke (Matej 6:9, 10). Dži tegani, ov mangipaja utešinela okolen so iskreno rodena le (Dela 17:27; 2. Korinkjanite 1:3, 4).
RAZMISLIN
Soske o Devel mukhela o manuša te ciden muke?
O odgovor tari Biblija bašo akava pučibe ka arakhe ko RIMJANITE 5:12 hem 2. PETROVO 3:9.
Šaj isto ka interesinel tut
OSNOVNA BIBLISKA SIKLJOJBA
Soske o Devel panda mukhela te ovel o lošnipe hem o muke?
I Biblija dela amenge šukar hem utešna odgovorija bašo adava.
DŽANGAVGJOVEN!
Dali o Devel tano krivo bašo muke so cidaja len?
But manuša verujnena kaj o Devel tano krivo bašo muke so cidaja len. Ama, dali adava tano čače?
POSEBNO AKCIJA
Soske te sikljove tari Biblija?
I Biblija pomožinela bute manušenge ko celo sumnal te arakhen odgovorija bašo najvažna pučiba. Mangea li tuke da te pomožinel?
