“ILeza . . . kasinde zinsozi ku meenso aabo, mi ifu keete ni libe kwateni nangati maswabi ni kulila kamba kusasaminwa.”​—Kuzikula 21:3, 4, Contemporary English Version.

Kamu likolwiisise kuti iLeza kanji yena yoleta miikalilo mikabo itu kopana naayo.​—Jakobo 1:13.

Kamu sengwe-sengwe cakwiiziba kuti iLeza uzuwiisisa luli mu mulizuwila ci mwiina mu masukuluka.​—Zakariya 2:8.

Kamube ni insepo yakuti masukuluka woonse kaa mane.​—Lisamu 37:9-11.

Eni, ca mabaka oobele:

• ILeza utoyete masukuluka ni kusaluka. Muzeze mwa balizuwili Jehova iLeza bantu baakwe ba munako ye iBibele hababali ku sukululwa maswe. IBibele iwamba kuti Jehova aba lizuwi ahulu bubi cebaka “lyaabo babali kuba sukulula.”—Bamaninizi 2:18, New World Translation.

  ILeza utoyete ahulu bantu ba sukulula bamwi. Camutala, iBibele iwamba kuti “mayanza etila malaha aseena mulandu” ezwiile ikwe habusu bwe iLeza.—Inguli 6:16, 17.

• ILeza utokomela zumwi ni zumwi weetu. Kaheena muntu ni muntu bulyo wiizi ci mukateze “munkulo yaakwe ni ci muzuwiisa kucisa” kono Jehova naaye wiizi.—2 Bakolonika 6:29, 30.

  Ca kulitusisa Mubuso waakwe, Jehova hahanu kaa manise masukuluka abeena naawo bantu boonse. (Matewu 6:9, 10) Kono pili naaseni kucita bulyo, iLeza usenga-senga bantu balikataza ku musaka.—Zicitantu 17:27; 2 Bakorinte 1:3, 4.