“Maganu . . . hindiiddo baalanta illensa aaninni feyanno, reyono layinkita diheedhanno, wiꞌla woy raare woy xisso higgeno diheedhanno.”—Ajuuja 21:3, 4, Haaro Alame Tiro.

Qarrunna mitiimma iillitannonke gede assannohu Magano ikkinokkita huwatatto gede.—Yaaqoobi 1:13.

Qarramme shenteemmo wote Maganu laꞌꞌannonketa affe sheshifatatto gede.—Zekkaariyaasi 2:8.

Qarrunna shetto baꞌanno yanna dagganno yite hexxatto gede. —Faarso 37:9-11.

Ee, ajayi ajeenna lamu coyi no:

• Maganu qarranna shetto, hattono taashshote xeꞌne dibaxanno. Lawishshaho Maganu Yihowa hundi waro mannasi lowonta gadadinsi yannara hiitto ikkinoro wodanchi. Qullaawu Maxaafi tenne kulanni, “gadadisannonsa manninni” kainohunni Yihowa lowonta dadillino yaanno.—Mesaafinti 2:18, Haaro Alame Tiro.

  Maganu mannaho qarra naqqannore dancha illenni dilaꞌꞌanno. Lawishshaho, Qullaawu Maxaafi isi “keeraanote mundee duntanno anguwa effire giwanno” yaanno.—Lawishsha 6:16, 17.

• Maganu mitti mittinkera assaawanno. Mittu manchita ‘giddosi xissonna mitiimma afannohu’ hakkoye mancho calla ikkikkinni, Yihowano tenne seekke afanno!—2 Zeena 6:29, 30.

  Yihowa muli barri giddo Mangistesi widoonni mittu mittunku manchi shetto hoolanno. (Maatewoosi 6:9, 10) Hakka geeshsha kayinni woꞌmu wodaninsanni isiwa alba higgannore sheshifachishanno.—Hawaariyaatete Looso 17:27; 2 Qorontoosi 1:3, 4.