«Бурган кижилерниң караанда чаш бүрүзүн чодуп бээр. Моон соңгаар өлүм-даа, ыы-сыы-даа, ажыг-шүжүг-даа, аарышкы-даа турбас» (Ажыдыышкын 21:4, Ыдыктыг Библия тыва дылда).

Бурган биске хилинчек-човалаң чедирбейн турар деп, бүзүрелдиг болур бис (Иаков 1:13).

Бурган бистиң чүнү миннип турарывысты долузу-биле билип турар деп бодал сагыш сеткиливиске оожургалды чедирер (Захария 2:8).

Хилинчек-човалаңның төнчүзү кээр деп, быжыг идегелдиг болур бис (Ырлар 36:9—11).

Ийе, аңаа бүзүреп болур каш чылдагаан бар, чижээ:

• Бурган хилинчек-човалаңны болгаш чөптүг эвес чорукту көөр хөңнү чок. Кажан ооң чонун каржызы-биле дарлап турда, Иегова Бурган чүнү миннип турганыл? «Оларның дарлакчыларга дарлаткаш... човууртаан уё-човуурун дыңнааш», ол хилинчектенип турган деп Библияда чугаалаан (Баштыңчылар 2:18).

  Бир кижилер өске кижилерге хора чедирип турда, Бурган олче анаа көрүп шыдавас. «Актыг кижиниң ханын төгер холдар» аңаа чүдек-бужар бооп турар деп Бурганның Сөзүнде чугаалаан (Чугаалар 6:16, 17).

• Бурган бистиң кижи бүрүзүнүң дугайында сагыш човап турар. Иегова хамык сагыш-човаашкыннарывысты олче чая кааптар кылдыр деткип турар, чүге дээрге ол бис дээш сагыш салып чоруур (1 Пётр 5:7).

  Иегова удавас бодунуң Чагыргазының дузазы-биле бистиң кижи бүрүзүнүң таваржып турар хилинчек-човалаңны узуткап кааптар (Матфей 6:9, 10). Ынчалза-даа ол ам безин аңаа идегеп турар кижилерниң дугайында сагыш човап, оларны аргалап турар (Ажыл-чорудулга 17:27; 2 Коринфичилерге 1:3, 4).