«Ya me xcusticlambot yaʼlel sitic yuʼun te Diose; mayuquix lajel, mel-oʼtan, oqʼuel o te bin cʼux.» (Apocalipsis 21:4, Scʼop Dios Tzeltal.)

Yame xkʼot ta koʼtantik te manix jaʼuk-a te Dios te ya yakʼbotik jwokoltike (Santiago 1:13).

Yame yakʼ smukʼul koʼtantik te bitʼil ya xkʼot ta yoʼtan te Dios te jwokoltike (Zacarías 2:8).

Yame jtatik smukʼul koʼtantik te bitʼil ya xlaj skʼoplal spisil te wokolil ta pajel chaʼbeje (Salmo 37:9-11).

Yak, ay chaʼchajp te bin yuʼune:

• Te Diose ya yilay te wokolil sok te bintik ma toj ta pasele. ¿Bin yaʼiyel la yaʼiy sba te Jehová te kʼalal la yichʼ tulan utsʼinel te lum yuʼun ta nameye? Te Biblia ya yal te la snaʼbey yoʼbolil sba te kʼalal la yil te «aʼbotic swocolic» yuʼun te yantik nacionetike (Jueces 2:18).

  Te Diose maba lek ya yil te machʼatik ya yakʼbeyik swokol te yantike. Te Biblia ya yal te ya spʼaj te «cʼabaletic te ya smilic machʼa mayuc smul» (Proverbios 6:16, 17).

• Te Diose ayme skʼoplal ta yoʼtan ta jujuntul te ants winiketike. Manchukme yaniwan awal te jaʼatnax atukel ya anaʼ te ay awokole, jaʼukmeto te Jehová jaʼnix jich snaʼoj spisil te bin yak ta kʼaxel ta atojole (2 Crónicas 6:29, 30).

  Ta swenta te Ajwalil tsabil yuʼun te Diose, yame slajin te wokolil staojik ta jujuntul te ants winiketike (Mateo 6:9, 10). Manchukme ayto te wokolil ta ora ini, jaʼukmeto, te Diose ya yakʼbey yip yoʼtan spisil te machʼatik ya xleot yuʼun sok spisil yoʼtanike (Hechos 17:27; 2 Corintios 1:3, 4).