ʼE Gata Anai Koa Te Mamahi?
ʼE kotou tali anai . . .
-
ʼei?
-
kailoa?
-
ʼe mahalo pe?
ʼE UI ʼI TE TOHI-TAPU
“[Ko te ʼAtua] e ina holoholoi anai te u loimata fuli mai onatou mata, pea e mole toe mau anai te mate: e mole toe mau anai he tagi, mo he lauga, mo he mamahi.”—Apokalipisi 21:3, 4.
TONA FAKAʼUHIGA KIA KOUTOU
ʼE mole hoko te ʼu malaʼia ʼuhi ko te ʼAtua.—Sakopo 1:13.
Te fimalie ʼo te loto ʼi tatatou iloʼi te manatu ʼa te ʼAtua ʼo ʼuhiga mo tatou moka tou mamahi.—Sakalia 2:8.
Te ʼamanaki ʼae ʼe fakagata anai te ʼu mamahi.—Pesalemo 37:9-11.
ʼE FEALA KOA KE TOU TUI KI TE TOHI-TAPU?
ʼEi, pea ko ʼona tupuʼaga ʼe lua:
-
ʼE fehiʼa te ʼAtua ki te mamahi pea mo te heʼe faitotonu. Kotou fakakaukauʼi age muʼa te loto ʼo Sehova ʼAtua ʼi te temi ʼae neʼe gaohi koviʼi ai tana hahaʼi ʼi te temi muʼa. ʼE ui ʼi te Tohi-Tapu, neʼe lotomamahi ia ʼuhi ko “natou ʼae ʼe natou fakamamahiʼi ia natou.”—Kau Tuʼi Fakamau 2:18, Traduction du monde nouveau.
ʼE fehiʼa ʼaupito te ʼAtua kia natou ʼae ʼe natou fakamamahiʼi te hahaʼi. Ohage la, ʼe ui ʼi te Tohi-Tapu ʼe ko he meʼa fakalialia kia te ia te ʼu nima ʼae ʼe natou liligi te toto maʼa.—Taaga Lea 6:16, 17.
-
ʼE tokaga te ʼAtua kia tatou takitokotahi. ʼE tou tahi “ ʼiloʼi . . . tona tautea pea mo tona mamahi,” kaʼe ʼe toe mahino ki ai ia Sehova!—2 Fakamatala 6:29, 30, Traduction du monde nouveau
ʼAki tona Puleʼaga, kua vave fakagata e Sehova te ʼu mamahi ʼae ʼe tau mo te malamanei. (Mateo 6:9, 10) Kaʼe ʼi te temi nei, ʼe ina fakafimalieʼi te loto ʼo natou ʼae ʼe natou kumi fakamalotoloto ia ia.—Gaue 17:27; 2 Kolinito 1:3, 4.
TOU FAI TE FEHUʼI ʼAENI
He ko ʼe ʼe fakagafua e te ʼAtua te mamahi?
ʼE tali te Tohi-Tapu ki te fehuʼi ʼaia ia LOMA 5:12 pea mo 2 PETELO 3:9.