¿Jak taapo jaisa kaintoko te siokne?
¿Empo jaisa jiia?
-
¿Jewi?
-
¿Eʼe?
-
¿Jeitu?
JUʼU BIBLIA JINIEN JIIA
“Intok juʼu kokowame kaita intokotune, intok kia opoam woʼotawame juniʼi, jita betchiʼibo ka yantelwame intok kia jita koʼokosi machikai juniʼi kaita intokotune.” (Apokalipsis 21:4, Yoʼowe Jesukrijtota betana juʼu tuʼi nok lutuʼuria, ian taapo jiʼojtewa benasia.)
¿JAISA ITOM ANIANE INIKAʼA JUʼUNEIYAKAI?
Witti te a juʼuneiyane Lioj ka junaʼa wa ka tuʼik yeteu jooame (Santiago 1:13).
Lioj itom juʼuneiya jaisa te jiapsipo ea itom jiokot emo bichao, iniʼi tua yanti elwamta itom maka (Zacarías 2:8).
Bichau bicha kaintoko te sioksi jiapsine (Salmo 37:9-11).
¿JAISAKAI ITEPO BIBLIATA TEUWAʼU TE AA SUALE?
Woi wemta te bitne:
-
Lioj juka jiokot sioksi eewamta intok juka injusticiata omta. ¿Jaisa emo ineak juʼu Jehová Lioj junak binwatuko a pueblowata tua jiokot a bitwao? Jume Bibliam inien jiia Lioj rojiktek waate nacionim a pueblowata jiokot a bichao (Jueces 2:18).
Achai oola ka alleʼea watem yee sioktuao. Jume Bibliam inien jiia Lioj waka yoemrata omta kaita ka tuʼik yaakamta meʼakamta (Proverbios 6:16, 17).
-
Lioj siʼimem weepulaim itom nake. Lioj inien itou jiia siʼimeta itou betteka itou ayukamta au itom teuwaʼiia “bweʼituk aapo emot jiapseka emot au temae” (1 Pedro 5:7).
Juʼu Liojta yaʼura lauti jeela itom sioktuamta luʼutane (Mateo 6:9, 10). Ian taapo juʼu Lioj aapoʼiku jeela emo jippueme am jiapsi jojoa (Hechos 17:27; 2 Corintios 1:3, 4).
EMO NATTEMAEʼE
¿Jaisakai te jiokot emo bicha into Lioj kaita joamta bena?
Bibliampo empo a teune juka yopnawamta ROMANOS 5:12 intok 2 PEDRO 3:9.