«Dioseʼ yaan [...] u choʼik tuláakal u jaʼil u yichoʼob, maʼ tun yantal kíimil, mix okʼol, mix kʼiʼinamil yéetel mix máak kun muʼyaj» (Apocalipsis 21:3, 4, Túumben Luʼum).

Yaan a tsʼáaik cuenta maʼ Dios beetik k-muʼyajiʼ (Santiago 1:13).

Yaan a kanik Dioseʼ ku yaatal u yóol kéen u yil k-muʼyaj (Zacarías 2:8).

Yaan a wilkeʼ maʼ tun xáantaleʼ mix baʼal kun beetik k-muʼyaj (Salmo 37:9-11).

Jeʼeleʼ, ilawil baʼaxten:

• Dioseʼ u pʼeek le muʼyajil yéetel le injusticiaoʼ. ¿Bix tu yuʼubiluba Jéeoba Dios le ka beetaʼab u muʼyaj u kaajal úuchjeakiloʼ? Le Bibliaoʼ ku yaʼalikeʼ yaachaj u yóol (Jueces 2:18).

  Dioseʼ jach táaj u pʼekmaj le máaxoʼob beetik loob tiʼ u yéet máakiloʼ. Le Bibliaoʼ ku yaʼalikeʼ Dioseʼ jach u pʼekmaj le «kʼaboʼob ku wekikoʼob u kʼiʼikʼel juntúul máax mix baʼal kʼaas» u beetmoʼ (Proverbios 6:16, 17).

• Dioseʼ ku yilik baʼax ku yúuchultech. Maʼ xaaneʼ ka tuklikeʼ chéen teech a wojel baʼaxoʼob ka muʼyajtik. Chéen baʼaleʼ u jaajileʼ tak Jéeoba u yojel (2 Crónicas 6:29, 30).

  Maʼ kun xáantaleʼ u Reino Dioseʼ yaan u beetik u xuʼulul u muʼyaj tuláakal máak (Mateo 6:9, 10). Le maʼ kʼuchuk u kʼiiniloʼ, Jéeobaeʼ ku líiʼsik u yóol le máaxoʼob kaxtik tu jaajil u yóoloʼoboʼ (Hechos 17:27; 2 Corintios 1:3, 4).