¿Feypingekeymi kiñe dungu kimnoal kakelu che?... * Feyta kiñe ellkalechi dungu tati, tüfa ta kimlay kakelu che. Kafey kimelkenofelchi dungu pingey. Biblia ta feypiley ñi mülen kiñe falin “kimelkenofelchi dungu” taiñ Wenu Chaw mu küpalu. Tati pu che kimkelafuy tüfachi dungu, feymu ellkalechi dungu pingey. Tati pu werken püllü ka ayüy tañi kimafiel. Eymi kay ¿ayüymi tami kimafiel tüfa?...

Fütra kuyfi mu, Chaw Ngünechen dewmay tati wünen wentru ka tati wünen domo. ¿Iney pingeyngu ama? Adan ka Eva pingefuy tañi üy engu. Kidu engu mülekefuyngu kiñe anümkawe mu, Eden pingelu. Tañi Wenu Chaw küme pepikafuy tüfachi tuten-ngechi mülewe ñi mongeleal engu. Adan ka Eva mülefuy ñi feyentuafiel (müngeltuafiel) tañi Wenu Chaw, fey mür engu ka tañi pu yall mülefuy ñi femal kom tati Mapu kiñe küme anümkawe reke. Kafey tañi Wenu Chaw ayüfuy ñi afnoachi mongen nieal engün tüfachi küme rumel mülewe mu. Welu ¿kimimi chem ñi femün Adan ka Eva engu?...

Fey engu feyentulayngu (müngeltulayngu) tañi Wenu Chaw, feymu fachantü mületulaiñ kiñe anümkawe mu. Welu taiñ Wenu Chaw feypikünuy ti Mapu kiñe küme rumel mülewe ngetualu. Fey kom iñchiñ afnoachi mongen nieayiñ, ka ayüwkületuaiñ. Welu ¿chumngechi femngeay tüfa? Kuyfi mu iney no rume kimkelafuy. Kiñe ellkalechi dungu ngerkefuy.

Feychi mülepalu Jesu Mapu mew kimelelfi ta che tüfachi ellkalechi dungu. Jesu feypi tati longko ülmen Chaw Ngünechen ñi elkünuel ngünenietuay Mapu, ka tüfachi longko ülmen kiñe küme rumel mülewe elkünutuafi ti Mapu. Kafey kimelelfi tati pu che tañi ngillatual engün ñi küpayal tüfachi dungu.

¿Ayüfuymi tami müleal feychi küme mülewe mu?... Longkontukuaymi tüfa: feychi pu che müten feyentukefilu (müngeltukefilu) Jewba müleay tüfachi küme rumel mülewe mew. Biblia ta nütrameleiñmew chem dungu ñi rupan fentren che feyentufilu ta Jewba. Tüfachi papil mu kimaiñ iney (iñi) ngen engün, ka chumngechi inayal ñi femün. ¿Ayüymi tami kimafiel?...