Pe kua taku atu e he tino he mea e hē iloa?​— * E tākua mai e te Tuhi Paia he mea na hē iloa fakapitoa e tākua ko te “mealilo” paia. E paia auā e mai te Atua. Ma tākua ko he mea na hē iloa auā na hē iloa e nā tino uma. Ko nā agelu foki na fia iloa atili te mea tēnei. E fia iloa e koe te mea na hē iloa tēnei?​—

I he taimi kua leva, na fai e te Atua te tamāloa ma te fafine muamua. Ko lā igoa ko Atamu ma Eva. Na foki atu e te Atua he nofoaga gali e takua ko te fātoaga o Etena. Kāfai na fakalogo ia Atamu ma Eva ki te Atua, na mafai ke fai e ki lāua ma te lā fānau, te lalolagi ma palataiho e vē ko he fātoaga. Na mafai oi ola e fakavavau ki lāua i te Palataiho. Kae, e manatua e koe te mea na fai e Atamu ma Eva? Ni kō?​—

Nā heki fakalogo ia Atamu ma Eva ki te Atua, ko te mafuaga tēnā e hē nonofo ai ki tatou i he palataiho i nā aho nei. Kae na lea mai te Atua ka fakamanaia e ia te lalolagi kātoa, ma ka ola fiafia nā tino uma e fakavavau. E fai vēhea e ia te mea tēnei? I he taimi kua leva, na heki iloa e nā tino. Ko he mea nae hē iloa.

I te afio mai o Iehu ki te lalolagi, na akoako atili e ia nā tino i te mea tēnei na hē iloa. Na lea mai ia, ko te Mālō o te Atua. Na lea atu ia Iehu ki nā tino ke tatalo atu ki te Mālō ke pa mai. Ka huia te lalolagi ki he palataiho gali.

E fiafia koe ke iloa te mea tēnei na hē iloa?​— Ke manatua ko nā tino e fakalogo ki te Atua ka ola i te Palataiho. E taku mai e te Tuhi Paia ki a te ki tatou te lahi o nā tala e fakatatau ki nā tamāloa ma nā fafine na fakalogo ki a Ieova. E fiafia koe ke akoako e uiga ki a te ki latou?​— Ke iloilo e ki tatou pe ko ai ki latou, ma te auala e mafai ke vēia ai foki ki tatou.