¿Petaʼa ʼam qaiʼaqtaxanem ca qaica ca ỹaỹaten?... * Aye la Biblia iaʼaxat ye ỹataqta ʼamaqtaqaic chigoqtot ñi Dios, qalaxaye salamaʼi na ỹaỹateʼn chaʼaye qoỹoxotchiguiñi. Iviraʼa na angelpi nshetaique ra nquictec ca lauattonaxanaxac neʼena. ¿ʼAm ʼanqopita ra ʼauaỹaten?...

Mashe sogote coʼolloxochiye ñi Dios ỹoʼot so huaʼauchiguiñe ỹale taq ʼalo. Soua maye lʼenaxaʼt Adán taq Eva. Ñi Dios ỹanema so lmaʼ ʼonaxaic, lʼenaxat Jardín de Edén. Ra so Adán taq aso Eva ỹalaxagueʼt ñi Dios, nache soua maye taq na llalaqpi ishettaxa ra ỹoʼot ʼenauac ana ʼalhua ʼenʼam seʼeso ʼonaxaic mataqaʼ. Nache ishettaxa ra chochaq tateec ra nachaalataxac. Qalaq, ¿ʼantoueetaʼac négueʼt so ỹoʼot so Adán taq aso Eva?...

So Adán taq aso Eva sa ỹalaxagueʼt ñi Dios. Ỹoqoʼoye nagui sa ishet ra sonaqtalec ca jardín. Qalaq ñi Dios ʼenac ra ỹoltaxa ỹoʼot ʼenauac ana ʼalhua ra ʼonaxai. ʼEnauac samaxasoqchiguiñi qome taq tateec ra qanachaalataxac. ¿ʼÉetec ra ỹoʼot reʼera? Coʼolloxochiye reʼera qaica ca ỹaỹaten, chaʼaye qoỹoxotchiguiñi.

So netaña ana ʼalhua so Jesús, iaʼaxat négueʼt ca naigui seʼeso qoỹoxotchiguiñi. So maye ʼenac ra nacheso so Lʼonataxanaxac ñi Dios. Ỹoqoʼoye so Jesús ʼenapega na shiỹaxauapi ra natamen yaqtoʼ anac seʼeso Lʼonataxanaxac ñi Dios. Reʼera ỹoʼot qome ana ʼalhua ca ʼonaxaic jardín.

Nagui ra ʼauaỹaten ʼenauac reʼera, ¿ʼam machiguiñi?... ʼAntoueetaʼac ra ndotec na ỹalaxaguet ñi Jehová ishet ra nalec ye mataqaʼ ralaxaic qome. Aye la Biblia iaʼaxat na naqtaguesatpi na ỹallippi taq ʼalpi ra ỹalaxagueʼt ñi Jehová. ¿ʼAm ʼanqopita ra ʼanapaxaguena so mayepi?... Semetenaq ʼeetec so lataxac so mayepi yaqtoʼ ishet ra sheʼenaxataq.