Womepatopo 3
Rehabʼwa Jehoba tamïʼchapa ma
Oro kïsekanòʼnen Jeriko po kïweijï, Kenaan pono amenari ta. Moro ponokon Jehoba onamïʼchaʼpapai mandon. Moroporo te, amu wòrïi Rehab me tòtïnen kïnemainian.
Iʼmiembo me tïaʼta Rehabʼwa Mosesʼwa moro Tapijen Parana emakanoʼpoʼpopa tota yèíʼpio iʼya ma, ijombo Isrerï asakarïkon aroʼmaʼpopa iʼya moro taro Egypt weinio. Jehobaʼwa epatomaʼmasan eropa iʼya tota ma, yenonoʼnamon maro yoòrïkon yako. Erome te, iʼya tota ma sengero Jeriko weinio moʼkaron Isrerï asakarïkonʼwa tïpïataiyarïkon èkïrïʼmaʼpo!
Rehabʼwa moʼkaron amenari ene choʼmasan toiyomaʼma ma moro kombaijo Jehoba tamïʼchapa iʼya ma
Penarone watï choʼmamïʼpoto, oko Isrerï asakarïkon Jerikoʼwa tïtoʼmainie mandon neiara moro amenari weijï ene. Rehab èʼtïʼwa tïtoʼmainie mandon. Tòʼtï taro jòke nipioroʼkapoton. Moro koko ro te, Jeriko yopotorïʼwa totapa yèíʼpio ma amukon wòpïʼmaʼpo moro amenari taka neiara yeijï ene, Rehab èʼtïʼwa eropa ichoʼmasan. Ijòkero moʼko yopotoʼwa tïpïòʼchòrïkon tïmïose yèípio ma èíʼmiatoʼkonʼmepa. Rehabʼwa te, tonamïʼmainiepa mandon tòʼtï reʼta. Ero paʼme moʼko yopoto pòʼchòrïkonʼwa ïngano piokoinie yòturupïorïkon yako: ‹Eropo rïpïo nèíʼmiaton, nïtoʼmatomba te. Eromero owïtosando mapòíʼmiatomba.› Mupusan ro te, oʼtonòʼme Rehabʼwa mokaron neiara moro amenarï weijï ene opïʼmasan onamïʼmasamba?— Moʼkaron Isrerï asakarïkonʼwa moro wèʼchopo Kenaan ïrïpïa amïʼchanomba kombaijo Jehobaʼwa.
Tïtoʼmarïkomba mero te Rehab èʼtï weinio, moʼkaron amenari ene opïʼmasanʼwa tokarishe iʼya ma tasakarïkon maroro yòsepatomarïpïa Jeriko akuʼmicharïpïa mero. Mupusan ro oʼto Rehab wèíshe yeijïkon?— Ero paʼme tïka mandon iʼya: ‹Ènï tapijen kapua shereremako oyèʼtï ta owoʼpotopo pato. Ènï paʼme owèíʼpioto paʼpororo oyèʼtï tanokon kïnosepatomatomba.› Rehab moʼkaron amenari ene opïʼmasan wïkaʼpo paʼmero tïweiye ma. Mupusan ro òtï wèíʼpio moro paʼpopo?—
Jehobaʼwa topatomapa Rehab maro asakarïkon ma
Apïimiene kapïn kuriʼcha moro paʼpopo, moʼkaron woótonon Isrerï asakarïkon moro amenari uʼmendïmero kïnïsaton, euraʼmame. Òʼwin yopimiaʼpo kuriʼcha moro amenari uʼmendïme kïnïsaton, òwiʼniome òʼwín kuriʼcha ta. Oko yopimiaʼpo kuriʼcha yèʼchopo poko te, moro amenari uʼmendïme kïnïsaton oko yopimiaʼpomboto. Ijombote, tïmongeme moá nichoʼtapoʼtomba. Jehoba moro amenari apuʼtïkonïmbo tororokanoʼpoipia. Moro oʼto te, tapijen kapua yeinio osereremaʼpo, omaʼparo tïweiye ma! Menean ro moro uʼkuʼpïo ta?— Rehab tasakarïkon maro tïwosepatomainiepa mandon!
Òtï poko mòmepanomba Rehab poko?— Rehabʼwa tamïʼchapa Jehoba wèíʼpio ma ijomboro morokon kurangon òtïkon etaʼmaʼpombo ke pioko. Amoro eropa apïimie kurangon òtïkon poko mòmepaye Jehoba poko. Amoro mamïʼchanomba eropa, Rehab wèíʼpiombo paʼme?— Taʼroro, moro paʼmero ma!
