Imos facer como que estamos na cidade de Iericó. Esta cidade está na terra de Canaán, onde a xente non cre en Xehová. Aquí vive unha muller que se chama Rahab.

Cando Rahab era unha rapaza, sentiu a historia de como Moisés partira o Mar Rubio e levara os israelitas fóra de Exipto. Tamén escoitou como Xehová lles axudaba a gañar as guerras contra os seus inimigos. E agora oe que os israelitas están acampados cerca de Iericó!

Unha tarde, dous israelitas van espiar a cidade de Iericó. Chegan á casa de Rahab, e ela invítaos a quedar. Durante a noite, o rei de Iericó descobre que os espías están na cidade e que foron á casa de Rahab. Así que envía uns homes para atrapalos. Rahab esconde os dous espías na azotea da súa casa e dilles ós homes do rei: “Os espías estiveron aquí, pero xa marcharon da cidade. Correde axiña detrás deles, que aínda os colledes!”. Sabes por que Rahab protexe os espías?— Porque cre en Xehová e sabe que lles vai dar a terra de Canaán ós israelitas.

Antes de marchar da casa de Rahab, os espías prométenlle que ela e maila súa familia han ser protexidos durante a destrución de Iericó. Sabes o que lle mandan facer?— Dinlle: “Colle esta corda vermella e cólgaa da túa ventá. Se o fas, tódolos que estean na túa casa hanse salvar”. Rahab fai exactamente o que lle din os espías. Sabes o que pasa despois?—

Algúns días despois, os israelitas póñense a dar voltas en silencio arredor da cidade. Seguen dando voltas á cidade outros seis días, unha vez ó día. E o sétimo día, dan sete voltas. Entón, todos eles dan un berro, e Xehová fai que as murallas da cidade se derruben. Pero a casa que ten a corda vermella colgando da ventá queda en pé! Pódelo ver no debuxo?— Rahab e maila súa familia salváronse!

 Que podes aprender de Rahab?— Rahab creu en Xehová porque aprendeu moitas cousas marabillosas sobre el. Ti tamén estás aprendendo un montón de cousas marabillosas acerca de Xehová. Cres ti en Xehová como fixo Rahab?— Claro que si!