Mam inai mkun ro sonin ine ke?— Ima inai ro snon oser ḇenyir Yefta. Refo ya ikofenḇadir snonsnon ḇyeja ba, ḇape Refo ikofen ifrur kmari ma Yahwe sumarisen. Rwama kuwasya fafyar kuk’r Yefta ma inaikir ḇyedi.

Yefta ima snon ḇefrur pyum. Fyarkor inai ḇyedi pdef kuk’r Refo insama ifawi Yahwe I. Yefta i kako snon besambraḇ ma manfarkin ḇefrur pyum. Iryanja, snonkaku Israel sya skinfir i fa ḇyemanfarkin besi ro mamamun ya.

Ro ras oso, Yefta ryaḇe mamamun ḇaime, ḇyenadi be Allah. Snar ikyar faro Yahwe nari Yahwe ḇyuk samambraḇ be i ro mamamun ya. Yefta ḇyeasas, mansei ḇesae ḇepon fa ḇewaf i rofyor ibur  ro mamamun ya, nari ḇyuki fa ifarmyan be Yahwe I. Snonkaku ani nari ḇyarek ma ifarmyan ro Allah tabernakel Ḇyedi ro kankenem ḇyeja ḇesiper. Tabernakel iso moḇ fa snonkaku Israel sya siksyom faro Yahwe I. Komam kada, Yefta iso ḇemenang ya! Inja manseiso ḇesae ḇepon rofyor Yefta ibur ro mamamun ya?—

Inaikir ḇyedi! Yefta ḇyesneso kaku snar ḇesae ḇepon ya iso inaimos ḇyedi. Ḇape ḇyeasas kwar be Yahwe inja, Yefta ifrur beri rosai ikofen na. Isouser beri faro rosai kma ḇyedi ikofen kwar be Yahwe I. Inja ikofen be kmari, ’kamam beasas kwar ḇe Yahwe I, inja fandun fa wafrur na imnis rarirya.’

Yefta inaikir ḇyedine ḇyesneso kako, snar ifawi snonkaku ḇero tabernakel sima nari sifarbuk ba, sna romawa ba. Imḇape imarisen kaku ifnoḇ’k kmari fa ifrur asas ḇyeja ma imarisen ifrur fa Yahwe imarisen. Ifawi inema roi ḇefandun syadi ro farḇakḇuk ya. Inja, isasyar ro rum ḇyedi ma ḇyar’k ro tabernakel fa ifarmyan be Allah ro kankenem ḇyedi ḇesiper.

Karkara bedi ido, inai ine ifrur fa kmari ma Yahwe sumarisen ke?— Imbo, kaku beri! Au kako bisa wakmnis inaikir ine. Rofyor wasouser ma waswar faro Yahwe I ido, nari wafrur fa sinan besuya ma Yahwe I simarisen.