A cho pa chuaambɔ laandoo chɔɔ o fotueiyo niŋ?— Chua Chɛfita wo o cho ni. Baabuiyo chɔm naa diola chuaambɔɔ hoo le. Kɛ, ŋ sina maa mbo tosa mi finya ndɔ a Chɛhowa naŋ kɔl. Ŋ pɛɛku wɔ a ndu vɛlɛ a finya ndɔ okɔɔ.

Wana kɛndɔɔ pila Chɛfita wa ni. Mbo chua teleŋndo tau le chua ndɔɔ pɛɛkoo a Chɛhowa okɔɔ. Yoomuaŋ pila ndoo nɔ vɛlɛ ni. Nduyɛ, o wa simlachinɔ kɛndɛ. Mi Isɔluɛitiiya nyɔɔlu ndu le mbo sim nda lachi le yaamɔwaa ndaa chɔulabaa.

Mi Chɛfita piɛi o Mɛlɛka lo le mbo mala ndu mbo tiu yaamɔwaa ndaa ba. Mi Chɛfita chua buŋgɛi maa te o yɔŋ pɛ mi Mɛlɛka mala ndu mbo tiu nda ba, te o miiŋgu pɛ o ndu lo bɛɛ, wana tase cho ndu demullo, o cho ndu yɔŋgɔɔ o maaŋ Mɛlɛkaa niŋ. Waŋndo hoo cho wa le  Mɛlɛka nduyɛ, mbo tosa wallo le ndu o chiɛi ndɔɔ niŋ le fɛɛŋ. O sindɔɔ niŋ, fondaŋ waŋnda ndaa kua Mɛlɛka piɛiyo wo ndaa veelu ni aa maaŋndo. Mi Chɛfita tiu yaamɔwaa ndaa ba. Mɛɛ o miiŋgu o ndu lo bɛɛ, a sina wana tase fula o ndu lo chiɛiniŋ le ndu demullo wo?—

Chua Chɛfita wo ni! Chualeŋ le pilɛ kpe ndoo velu ni. Nduyɛ, o cho vɛlɛ hunɔɔ chuale kalaleŋ yɔŋgɔɔ o Chɛhowa lo. Mi hei tosa mbo tambu kɔl. Kɛ, kɛsiŋ o kɔl maa mbo chua buŋgɛi o Chɛhowa lo. Mɛɛ chua ndɔɔ sina, mbo dimul ndu sakpo aa, ‘Kɛkɛ, te a chua pɛ buŋgɛi o Chɛhowa lo, mɛɛ ma lo lechoo.’

Chua Chɛfita wo bɛɛ mbo tambu kɔl. Te o kuɛ pɛ o maaŋ Mɛlɛka wo niŋ, o nɔ mbo chua pɔnɔ le, nduyɛ, o nɔ vɛlɛ mbo velu le. A koŋ kpou, ndoo yeema mbo tosa buŋgɛi finya ndɔ chua o Chɛhowa lo ve, le mi Chɛhowa naŋ kɔl. Mbo cha keŋ suɛi sɔwɛ mbo hiau bɛɛ nɔɔ challe a chuauwa violɔɔ. Okoŋ, mbo faŋaŋ o ndulo bɛɛ mbo kua o chiɛi Mɛlɛkaa niŋ. Le teleŋ o cho wa yoomu wo kpou, o nɔ mbo wa loŋ.

A yiyaŋ pa maa nyɛ o tosa hoo wo nɛŋi Chɛhowa a finya ndɔ kɔl?— Ei, ma naŋ kɔl. Te a tuei pɛ Chɛhowa diom, nduyɛ ma kaala ndu maa chua Chɛfita wo, num bɛɛ cho Chɛhowa, a wanaa velu numnda kɔllo nɛŋi.