Kumubona umulindwana uyu pa chithuzithuzi?— Mwana wa Yefuta. IBaibolo litoyoba ingamu yake, loli tumenye ukuti umwene amuhobwisye tata wake na Yehova. Sa tumanyile isya ndindwana uyu na Tata wake.

Yefuta ali mundu nnunu kangi amanyisyagha umwana wake isya Yehova. Yefuta ali mundu wamaka kangi alongosyagha kanunu abandu. Abaisraeli balinsumile ukuti abalongosye pakulwa na balughu babo.

Ukuti batole ubwite, Yefuta aliputile kwa Kyala. Umwene afingile ukuti akwisa kumupa Yehova umundu wakwanda ukusoka m’nyumba yake linga abatolile abalughu bake. Umundu uyu akwisa  kwikala pa hema wa Kyala nu kumbombela ubumi bwake bosa. Hema malo agha abandu babukagha pakwiputa kwa Kyala. Yefuta atolile ubwite! Yo aliku uyu ali wakwanda usoka m’nyumba yake?—

Umwana wake undindwana! Umwana uyu ali mwene m’nyumba ya tata wake, aka kali kabalilo kakuti umwana uyu abukeghe. Nalinga Yefuta afingile kwa Kyala, loli umwene akahobwike. Umwana wake atile: ‘We Tata, linga ufingile ulufingo kwa Yehova, bombagha itolo nanine ukufwana na isi wafingile.’

Umwana wa Yefuta yope asulumenie. Ku hema kuno abukagha, akabaghile ukweghiwa nukuya na bana. Loli umwene alondagha ukuti tata wake abombe isi afingile kangi amuhobwisye Yehova. Ifi fyali finunu kumyake ukukinda ukweghiwa pamo ukuya na bana. Umwene abukile ku hema kuno alikele ubumi bwake bosa.

Ngimba kwinoghona ukuti tata wake na Yehova bahobwike?— Ee, bahobwike! Linga kupilikila kangi unganile Yehova ubaghile ukuya ngati mwana wa Yefuta. Ubaghile ubahobosya abapapi bako na Yehova.