¿Jiiga kimki naa luuçx piisanite vxyaasa?... Dxus eçte ptaꞌsxiçmee luuçx yases, nawa kaajiyujuk ney yases Jefténeyu. Jeuwa vxiteꞌ Jefté wala wẽt yahkxneta txãa kxtey yũute. ¿Peena jiyu wẽejega Jefté vxiteꞌ txãjx nisaꞌs?

Txãa piçthẽꞌj Jefté wala ewsa yũune. Khĩiçxa een kutxiꞌjine txãjx nisaꞌs Jeuwate kaapiyan. Txaꞌwẽy txãa wala çxhãçxhasa yũune, khĩiçxa jiineyu maꞌw jxkaahwaꞌjtewa. Nawa israelitasweꞌsx naꞌjĩneta weꞌw: “¿Idxa jxkaahyã wẽdxmag puiisatxis?”.

Jefté Jeuwaꞌs wala pẽhyjxne puꞌçxhkan puiiwaꞌjaꞌs knayyã. Jefté naꞌjĩne weꞌw: txãa puiiwaꞌjas knayçxa, yatte paꞌjte adxaꞌs paꞌkaya kaseꞌjte txãa nasa Jeuwa jĩiyũuna. ¿Maajiin kik weꞌw? Txãa nasayu  Dxus yatte uꞌpwasaneyu tabernáculo dxiite mjĩin, selpiin baaçxtewa. Kxteeneta Jeuwaꞌs nasayu selpiiyã uꞌjwe. ¿Jefté knaymak puiiwaꞌjaꞌs? knayne. Khĩiçxa yatte paꞌjçxa, ¿kim kik txãjx yattu jxpaꞌkaya kaseꞌj?...

¡Txãjx niisaneyu! Txãaçxaneyu niisayu, açyu Jefté kaawaꞌj jiꞌphune txãa tabernaculo ũswaꞌjte. Nawa wala nxusne, nawa Jeuwa yakh puutx weꞌwninaneyũu saꞌ kxtey yũu jiꞌphune, ¿kĩh yũuçxa? Niisayu neyaꞌs naꞌjĩne: “Idx weꞌwni Jeuwaꞌs kxtey yũu jiꞌphunega”.

Nyafxte niisa wala nxusne txaꞌwẽy. ¿Kĩh yũuçxa? Nawa tabernaculote uꞌpyãçxa kĩhwa ptaamuyã, luuçxwa jiꞌphuya ãjaꞌwasameeneyũu. Nawa txãa knasa kxtey yũu jiꞌphune Jefté Jeuwa yakh weꞌwnisaꞌs. Kxtey yũunisaꞌs Jeuwa wala wẽt yahkxne. Txãajĩi Dxusaꞌs selpiite txãasyu wala jxthuhthesayũune. Txãahne Dxus ũswaꞌjte selpiiyã uꞌj baakaçxtewa.

¿Masũhuga Jeuwa vxiteꞌ Jefté wala wẽt ũssumatx txãa yakh?... ¡Wala wẽt ũssuneta! Idxwa Jefté niisa naꞌwẽy yũuyã ãjaꞌjnega. Jeuwaꞌs wẽdxçxa wala nwẽseꞌjyã ãjaꞌjnega. Txãw yũute wala wẽt ũsuyã Jeuwa vxiteꞌ idx tata, idx mamá txaꞌwẽy.