ЛЕКЦИЈА 4
Ој керѓа радосно пе даде хем е Јехова
Со ветинела о Јефтај е Јеховаске?
Е Јефтајескири чхај керѓа адава со ветинѓа лакоро дад, иако на сине локхо
Дикхеа ли е чхаја ки слика?— Ој тани е Јефтајескири чхај. И Библија на вакерела аменге лакоро анав, ама џанаја кај ој керѓа радосно пе даде хем е Јехова. Ајде те сикљова нешто баши лате хем башо лакоро дат, о Јефтај.
О Јефтај сине шукар мануш хем таро тикнипе сикавела сине пе чхаја башо Јехова. Ов сине зорало мануш хем шукар водачи. Адалеске о Израелција мангле ов те водинел лен ки војна против јавер народо.
О Јефтај молинѓа е Девле те поможинел лен те побединен. Ов ветинѓа кај ако побединге, кеда ка иранел пе кхере, ка дел е Јеховаске е прво мануше со ка икљовел таро лескоро кхер. Адава мануш ка ваљани цело
живото те служинел ко е Девлескоро шатори хем адари те живинел. Ко адава шатори о мануша џана сине те обожавинен е Девле. О Јефтај побединѓа ки војна. Џанеа ли кој прво иклило кеда иранѓа пе кхере?—Е Јефтајескири чхај! Ле на сине ле јавера чхаве, а акана ваљани сине те бичхалел ла те џал песке лестар. Адалеске ов сине бут тажно. Ама сетин ту, ов ветинѓа нешто. Тогаш лескири чхај вакерѓа леске: ‚Мо дад, ту ветинѓан е Јеховаске, хем ваљани те кере адава‘.
Секова берш, е Јефтајескере чхајакере амалиња авена сине те дикхен ла
Е Јефтајескири чхај да сине тажно. Ко е Девлескоро шатори нашти сине те женинел пе ни те овен ла чхаве. Ама ој бут мангља те керел адава со ветинѓа лакоро дад хем те керел радосно е Јехова. Адава сине лаке поважно него те женинел пе хем те овен ла чхаве. Адалеске, гели те служинел ко е Девлескоро шатори хем ачхили адари цело живото.
Со мислинеа, керѓа ли адалеа радосно пе даде хем е Јехова?— Оја, керѓа лен! Ако мангеа е Јехова хем шунеа ле, ту да шај те ове сар е Јефтајескири чхај. Ту да шај те кере бут радосно те даде, те даја хем е Јехова.
ЧИТИН КИ БИБЛИЈА
-
5. Мојсеева 6:4-6
-
Судиите 11:30-40
-
1. Коринќаните 7:37, 38