Vona xifanyatana lexi ka foto. Swa voneka leswaku xa chava naswona xiti twa xili xoxe, ha swo? Xana u tshama u titwa hi ndlela leyo? — Hinkwerhu ka hina hi tshama hi titwa hi ndlela leyo. Bibele li vulavula hi vanghanu va Yehovha lava tshameke va titwa vali voxe va tlhela va chava. Mun’wana wa vona akuli Eliya. Ahi djondze hi yena.

Eliya a ahanya a Israyele khale ka khaleni Yesu angase psaliwa. Akabu a ali hosi ya Israyele, naswona a angaxitirheli Xikwembu xa ntiyisu, Yehovha. Akabu ni nsati wa yena Yezabele, ava tirhela xikwembu xa mavunwa Bali. Hikwalahu vanhu votala vasungule ku tirhela Bali. Hosi ya xisati Yezabele a ali munhu wa mahlundzu naswona a alava ku dlaya vanhu hinkwavu lava ava tirhela Yehovha, kupatsa na Eliya! Xana waswi tiva leswi Eliya aswi yendleke? —

Eliya a balekile! Aya kule swinene amananga, aya tumbela ka mhakwa ya ribye.  U pimisa leswaku a yendle leswo hi mhaka muni? — Ina, a achava. Kambe akungali na xilaveko xa kuva a chava. Hayini? Hikusa a aswitiva leswaku Yehovha a ataswikota kumu pfuna. Yehovha se a amukombe ntamu wa yena Eliya. Khambe lin’wana, Yehovha a hlamule xikhongelo xa Eliya hiku rhumela ndzilu lowu xikeke hi matilweni. Handle kokanakana, Yehovha a ataswikota ku pfuna Eliya!

Loko Eliya ali ka mhakwa, Yehovha a vulavule na yena amu vutisa aku: ‘Uyendla yini laha?’ Eliya a hlamule aku: ‘Kusali mina ntsena a kutirhelaka. Ni noxe, naswona na chava vatani dlaya.’ Eliya a apimisa leswaku vatirheli hinkwavu va Yehovha ava dlayiwile. Kambe Yehovha a byele Eliya aku: ‘Nikatsongo! Leswo ahi ntiyisu. Ku ni vanhu van’wana va 7.000 vahani tirhelaka. Tiya nhlana. Ni ni ntirhu wun’wana leswaku uwu yendla!’ U pimisa leswaku Eliya a tsakile hi maritu wolawo? —

Xana unga djondza yini hi leswi humeleleke Eliya? — Awu fanelanga u titwa uli wexe u tlhela u chava. U ni vanghanu lava rhandzaka Yehovha naswona vaku rhandzaka. Yehovha a ni ntamu lowukulu ngopfu naswona nkama hinkwawu ataku pfuna! Xana aswiku tsakisi kutiva leswaku awu wexe? —