Na lau ciang bang hih na hiam?—Na nu leh na pa kiang tai-in huhna ngen hi lo na hia. Ahih hang midang khat in zong hong huh thei hi. Amah pen kua mapeuh sang thahat zaw hi. Kua hiam cih na thei hia?—Hih mah, Jehovah Pasian hi. Tu’n Lai Siangtho sunga tangval no a min, David thu ki kum ni. Jehovah in a tawntung a, ahuh lam ama’n thei ahih manin, lau nei lo hi.

David a naungeek lai-a kipan, a nu le a pa in Jehovah a it nading thu hilh uh hi. Tua in thu lauhuaite a pian hang in David a lau loh nading na panpih hi. Jehovah pen ama Lawm hi cih thei a, Pasian in a huh dinglam thei hi. Khat vei, David in tuu a cin lai tak, humpinelkai golpi hong pai-in a kam tawh tuu, hong manvat aive! David in bang hih in na um mawh a? Ama’n humpinelkai delh pahin a khut kia tawh thatlum aive! Tua khit teh, vompi in tuute hong mat sawm ciang zong David in thatlum lai hi! Kua’n David huh in na um a?—Hi mah, Jehovah hi.

David a hangsan mahmahna khat na om lai hi. Israel mite le Filistia akici mite gal kido uh hi. Filistia galkap khat pen a sang mahmah migolpi khat hi! Tua pa min pen Goliath hi. Tua migolpa in Israel galkapte leh Jehovah pen zah pih hi. Israel galkapte hong kuan a, kido ding Goliath in na phin hi. Ahih hang Israel mi khempeuh in amah tawh kido ding lau mahmah uh hi. Tua thu David in a zak ciang, Goliath kiangah: ‘Hong sim ning! Jehovah in hong huh in teh, nang hong sattuk ning!’ ci hi. David hangsan nasa hiam?—Hi mah, hangsan mahmah ma’te. A zomah bang piang lai hiam cih na thei nuam naa?

David in a suanglotna leh suangmai tang nga tawi a, migolpa do dingin paikhia hi. Goliath in tangval no David amuh ciang, David a zahpih lel hi. Ahih hang David in: ‘Nang namsau tawh hong kuan, ahih hang kei Jehovah min tawh kong kuan hi!’ ci hi. Tua khit teh suanglotna sungah suangtang thun a, Goliath hong delh in, tang takin hong kap hi. Suangtang in Goliath mit kikal lian kha  hi! Migolpa leilakah maipuk in a si hi! Filistia mite’n lau mahmah uh a, a taimang uh hi. Tangval no khat ahi lel, David in migolpi ba’hang zo thei hiam?—Jehovah in huh a, Jehovah pen tua migolpa sang a zah tampi in thahat zaw hi!

David’ tangthu pan bang sin thei na hi hiam?—Jehovah pen kua mapeuh sang thahat zaw hi. Nang ii Lawm zong hi. Tua ahih teh mailam ah na lau khak leh, na phawk tawntung in, Jehovah in na hangsan na’ng hong huh ding hi!