ITHOMO RĨA 6
Daudi Ndaarĩ na Guoya
Hihi wĩkaga atĩa rĩrĩa waigua guoya?
Daudi aarutirũo nĩ aciari ake kwenda Jehova kuuma arĩ o kaana kanini. Ũndũ ũcio nĩ wateithirie Daudi kwaga kũigua guoya o na acemania na maũndũ ma kũmakania. Nĩ aamenyaga atĩ Jehova aarĩ Mũrata wake na nĩ angĩamũteithirie. Hĩndĩ ĩmwe Daudi akĩrĩithia ng’ondu, mũrũthi ũmwe mũnene nĩ wokire ũkĩnyita ng’ondu ĩmwe! Nĩ ũĩ ũrĩa Daudi eekire? Aateng’eririe mũrũthi ũcio, akĩnyita nderu ciaguo, akĩũgũtha akĩũraga! Na thutha ũcio rĩrĩa nduba yatharĩkĩire ng’ondu, o nayo akĩmĩũraga! Ũgwĩciria nũũ wateithirie Daudi?
Nĩ harĩ hĩndĩ ĩngĩ Daudi onanirie ũcamba mũnene. Aisiraeli maarũaga na andũ meetagwo Afilisiti. Mũthigari ũmwe wa Afilisiti aarĩ kĩmũndũ kĩnene mũno. Aarĩ irimũ! Eetagwo Goliathu. Irimũ rĩu nĩ rĩanyũrũragia thigari cia Aisiraeli o hamwe na Jehova. Goliathu eeraga thigari cia Aisiraeli igerie kũrũa nake. No Aisiraeli othe nĩ meetigagĩra kũrũa nake. Rĩrĩa Daudi aaiguire ũguo, akĩra Goliathu: ‘Niĩ nĩ ngũrũa nawe! Jehova nĩ ekũndeithia na nĩ ngũkũhoota!’ Nĩ ũkuona ta Daudi aarĩ na ũcamba?
Daudi oire kĩgũtha gĩake na tũhiga tũtano tũnyoroku, agĩthiĩ kũrũa na irimũ rĩu. Rĩrĩa Goliathu onire ũrĩa Daudi aarĩ kamũndũ kanini, akĩambĩrĩria kũmũnyũrũria. No Daudi akĩmwĩra: ‘Ũroka harĩ niĩ na rũhiũ rwa njora, no niĩ ndĩroka harĩ wee na rĩĩtwa rĩa Jehova!’ Agĩcoka agĩĩkĩra kahiga kĩgũtha-inĩ gĩake, agĩteng’era erekeire harĩ Goliathu, akĩmũikĩria
Daudi ndaarĩ na guoya tondũ nĩ aamenyaga atĩ Jehova nĩ ekũmũteithia
Ũngĩĩruta ũndũ ũrĩkũ kuumana na rũgano rwa Daudi?