Te sioonde bii num pɛ, yɛɛ ŋ tosa yɛ?— Naapum ma nyaanuŋ o kala numndo te koŋ te, naa finya num cha le ma mala num. Kɛ wana cheleŋ cho o mala numndo. Waŋndo hoo nɔ kpaayaa mbo hiau wana o wana fee. A sina pa wana koŋ?— Ndu cho Chɛhowa ni. Ŋ pɛɛku wɔ a chua piaandu pilɛ okɔɔ o Baabuiyo niŋ. Diola ndɔ laŋ aa Deeve. Ndoo sina maa Chɛhowa cho ndu mala. Le hei, ndoo nɔ isiooŋ te.

Deeve wa o pɔmbɔ, mi finya ndɔ a kala ndɔ pɛɛku ndu le mbo kaala Chɛhowa. Mi hei mala Deeve tau. Ndoo yɔŋ bɛɛ mi suɛi wɔɔŋnde ndii komal ndu, siooŋii ndii bii ndu kposoŋ te. Mbo sina maa Chɛhowa cho chaaŋndɔ ni. Nduyɛ, ndoo laalaŋ vɛlɛ maa o cho ndu mala. Teleŋ pilɛ, mɛɛ Deeve wa saa mandaa, mi visi biyaa huŋ bii o pilɛ nda tɛɛŋ mbo wa kɔŋndaŋ a ndu! A sina pa nyɛ Deeve ndoo tosa wo? Mi Deeve nyaanuŋ ndu kɔɔli mbo kɔ dii ndu pɛ a la ba! Okoŋ kɔɔli, mi visi biyaa cheleŋ huŋ vɛlɛ le saa nduaa biyɔɔ. Kɛ koŋ bɛɛ, mi Deeve dii ndu pɛ! Nɛɛ ŋ yiyan yɛ maa ndu mala Deeve ni?— Chɛhowa mala ndu ni.

Teleŋ pilɛ vɛlɛ, mi Deeve chɔm maa o nɔ isiooŋ kposoŋ te. Isɔluɛitiiya wa waŋnda apum chɔulabaa. Filiitiaŋnda wa waŋnda haa ni. Sovɛiyaa Filiitiaŋnda o pilɔɔ, bandei pila ndoo bandu ni nduyɛ, ndoo nɔ bɔɔ kpaayaa. Diola ndɔ laŋ la wa Koolaya ni. Poo hoo wa Isɔluɛitiiya mamɔɔ vɛlɛ a Chɛhowa. Mi Koolaya dimul sovɛiyaa Isɔluɛitiiya le ma kɔ chɔulaba a ndu. Kɛ nda kpou a wa a sioonde le Koolaya chɔulabaa. Mɛɛ Deeve tuei a hei okɔɔ, mbo dimul Koolaya aa, ‘I cho num chɔulaba! Nduyɛ Chɛhowa cho ya mala mi tiu num ba!’ A yiyaŋ pa maa Deeve ndoo nɔ sioonde?— Ɛ, ɛ, ndoo nɔ isiooŋ te. A yeema pa ma sina nyɛ yɔŋnuŋ okoŋ kɔɔli wo?

Mi Deeve chua faanda ndɔɔ a pouta kpɔlɔkɛilaŋ la ŋuɛɛnu mbo kua le Koolaya chɔulabaa. Mɛɛ o che mɛɛ Deeve mɛsɛla yɛ, mbo wa ndu mamɔɔ. Kɛ mi Deeve dimul ndu aa, ‘Num cho hunɔɔ ya chɔulabaa a muɛi faŋnde vɛlɛ a ballo, kɛ ya, o diola Chɛhowalaŋ niŋ ya cho num chɔulaba ni!’ Okoŋ, mbo wou pouwo  o faanda ndɔɔ niŋ mbo kua a kiltaŋ Koolaya lachi. Mbo hiŋ ndu fikoo fikoo mbo mal waŋ. Mi pouwo kua sueeŋ mbo kɔ luɛi Koolaya o lebol wolo wolo! Mi Koolaya del lɛŋ mbo wu pɛ! Okoŋ, mi sioonde bii sovɛiyaa Filiitiaŋnda a piliaa mi nda kpou nyaanuŋ. Vɛɛ Deeve pɔmbɔɔ hoo looku yɛ Koolaya diyɔɔ?— Chɛhowa mala ndu ni. Nduyɛ, Chɛhowa nɔ kpaayaa mbo hiau Koolaya!

Yɛɛ bundɛi Deevei pɛɛku yɛ num?— Chɛhowa nɔ kpaayaa mbo hiau wana o wana fee. Nduyɛ, chaaŋ num Chɛhowa cho ni. Lelaŋ, te sioonde bii num pɛ, yiyaŋ maa Chɛhowa tiuba mbo mala num ma nɔ kɔl sikpaa!