Xana u yendla yini loko u chava? — Kumbexana u kombela npfunu ka papayi ni mamana wa wena. Kambe ku ni munhu mun’wana langaku pfunaka. Yena a ni ntamu kutlula vanhu hinkwavu. Xana waswi tiva leswaku i mani? — Ina, i Yehovha. Hita djondza hi jaha lin’wana aBibeleni leli vuliwaka Davhida. A aswitiva leswaku Yehovha a atamu pfuna nkama hinkwawu; hi ndlela yoleyo, a angachavi nchumu.

Kusukela loko Davhida ahali mutsongo, vapsali va yena vamu djondzise kurhandza Yehovha. Leswo swimu pfune leswaku anga chavi hambiloko swilo leswi chavisaka swimu humelela. A aswitiva leswaku Yehovha a ali munghanu wa yena naswona a atamupfuna. Siku lin’wana, loko Davhida ali karhi a khatalela tinyempfu, kuhumelele nghonyama ya yikulu yi khoma nyempfu hi nomo! Waswitiva leswi Davhida aswi yendleke? Ayi hlongolisile, ayi khoma hi malepfu ayi dlaya! Siku lin’wana, ku humelele berhe yisungula ku dumela tinyempfu, Davhida ayi dlayile na yona! U pimisa leswaku i mani lweyi a pfuneke Davhida? — Ina, i Yehovha.

Hi ku famba ka nkama, Davhida a kombise leswaku a ali ni xivindzi lexikulu. Vayisrayele avali kulweni ni Vafilista. Akuli ni sonchwa la Mufilista leli ali lehi ngopfu swinene, hakunene akuli xihotlovila! Vitu la lona akuli Goliyadi. Wanuna lweyo a apoyila masonchwa ya Vayisrayele na Yehovha. Goliyadi a tlhontlhe Vayisrayele leswaku valwa na yena. Kambe Vayisrayele ava chava kuya lwa na yena. Loko Davhida a twe leswo, abyeli Goliyadi aku: ‘Mina nitalwa na wena! Yehovha atani pfuna, naswona nita kuhlula!’ U pimisa leswaku Davhida a ali ni xivindzi? — Ina, a ali ni xivindzi lexikulu. Waswi lava kutiva leswaku endzhaku kuhumelele yini?

Davhida a khome xibalakatsa ni 5 wa maribye, kutani a famba aya lwa ni xihotlovila. Loko Goliyadi a vona leswaku Davhida a ali jaha ngopfu, amu hlekile. Kambe Davhida ate: ‘U ta ka mina hi tlharhi, kambe mina ni ta ka wena hi vitu la Yehovha!’ Hiloko, a veka ribye ka xibalakatsa, a tsutsuma a kongoma Goliyadi ivi  amu txopa. Ribye limu be xikarhi ka ximombo! Xihotlovila xi wa hansi, xi fa! Swoleswo swi yendle leswaku Vafilista va chava ngopfu se va baleka. Swi yendlekise kuyini leswaku jaha la ku fana na Davhida li hlula xihotlovila? — Yehovha hi yena anga pfuna Davhida, naswona Yehovha a ali ni matimba kutlula xihotlovila!

Xana unga djondza yini ka rungula la Davhida? — Yehovha a ni matimba lamakulu kutlula munhu wihi ni wihi. Naswona i munghanu wa wena. Hi ndlela yoleyo, loko siku lin’wana u tshuka u chava, khumbuka leswaku Yehovha angaku pfuna kunga chavi!