KALANSEN 8
Teri ɲumanw tun bɛ Josiyasi bolo
Yala e hakili la a ka gɛlɛn ka ko tilennen kɛ wa?
Josiyasi fa tun ye Amɔn ye, Juda ka masakɛ. Amɔn tun ye kojugukɛlaba ye ani a tun bɛ boliw bato. Tuma min na Josiyasi fa sara, Josiyasi kɛra Juda masakɛ ye. Wa, a kɛra o ye k’a si to san segin dɔrɔn de la! Yala e hakili la Josiyasi tun ye kojugukɛla ye i n’a fo a fa ɲɔgɔn ye wa?
Sofoni ye mɔgɔw lasɔmi ko u kana boliw bato
Hali k’a sɔrɔ a tun ka dɔgɔ, a tun ka di Josiyasi ye ka Jehova kan minɛ. Wa, a y’a sugandi ka teriya don a ni mɔgɔw cɛ minnu bɛ Jehova dɔrɔn de kanu. Ani olu ye Josiyasi dɛmɛ a ka ko tilennen kɛ. Josiyasi teri dɔw tun ye jɔni ye?
A teri dɔ tun ye Sofoni ye. Sofoni tun ye kira dɔ ye min tun ye Juda mɔgɔw lasɔmi ko kojugu bɛ se ka u sɔrɔ ni u bɛ boliw bato. Josiyasi ye Sofoni ka kumaw lamɛn, a ye Jehova de bato, a ma boliw bato.
A teri dɔ wɛrɛ tun ye Jeremi ye. Ale ni Josiyasi si hakɛ tun ye kelen ye, ani u ye ɲɛnamaya kɛ ɲɔgɔn fɛ fo ka taa u kɔrɔbaya. Teriya sɛbɛ tun bɛ u cɛ, fo tuma min na Josiyasi sara, Jeremi ye dɔnkili kɛrɛnkɛrɛnnen dɔ sɛbɛn min b’a jira ko Josiyasi ɲɛnafinba bɛ a la. Jeremi ni Josiyasi ye ɲɔgɔn dɛmɛ ka ko tilennen kɛ ani ka Jehova kan minɛ.
Josiyasi ni Jeremi ye ɲɔgɔn dɛmɛ ka ko tilennen kɛ
I bɛ kalansira jumɛn sɔrɔ ka bɔ Josiyasi ka misaliya la?
TƐMƐSIRAW KALAN I KA BIBULU KƆNƆ
2 Tilew Kibaru 33:
21- 25; 34: 1, 2; 35:25