Πακιάσα ότι ισί δύσκολος τι κεράς ο σωστός;​— Ανταβά πακιάνα ο πιο μπουτ τζενέ. Η Αγία Γραφή βακερέλα αμένγκε εκχέ χουρντέ τσσαβέσκε σο βακερένας λέσκε Ιωσία ντα ισινέ λέσκε μπουτ δύσκολος τι κερέλ ο σωστός. Αλλά τθερέλας λατσσέ αμαλέν σο βοηθιντέ-λες. Για τι σικλιάς λέσκε ντα λέσκε αμαλένγκε.

Ο ντατ του Ιωσία ισινέ ο Αμών, βασιλιάς κο Ιούδας. Ο Αμών να ισινέ λατσσό ντα πακιάλας κο είδωλα, δηλαδή ψεύτικε πραγματέντε. Όταν ο ντατ του Ιωσία μουλό, αβιλό βοβ βασιλιάς κο Ιούδας. Αλλά ισινέ σάντε οχτώ μπρεσένγκο! Πακιάσα ότι ισινέ κακός σαρ πι νταντέστε;​— Όχι, ισινέ λατσσό!

Ατζέ-ντα όταν ισινέ μπουτ χουρντό, ο Ιωσίας μανγκέλας τι ασουνέλ ι Ιεχωβάς. Οτθάρ, τραμπιντάς αμαλέν σο μανγκένας σάντε ι Ιεχωβάς, ντα βον βοηθιντέ-λες τι κερέλ ο σωστός. Κον ισινέ μερικά αμαλά λέσκε;

Εκ ισινέ ο προφήτης Σοφονίας, σο βακερέλας κο Ιουδαίοι ότι κα αβένας λένγκε μπέτι πράγματα άμα κα πακιάνας κάπου  γιαβερτθέ, ντα όχι κο Ντεβέλ. Ο Ιωσίας ασουντάς τον Σοφονία ντα πακιάλας σάντε κο Ιεχωβά, όχι κο ψεύτικα πράγματα.

Εκ γιαβέρ αμάλ λέσκο ισινέ ο Ιερεμίας. Τθερένας περίπου ο ίδια μπρεσά ντα μπαριλέ γιεκ επειδή μπεσένας πασέ. Αγαβάσα ότι ισινέ μπουτ λατσσέ αμαλά επειδή, κάνα μουλόας ο Ιωσίας, ο Ιερεμίας γραφιντάς εκ γκιλί σο βακερέλας ότι ισινέ μπουτ στεναχωριμέ επειδή ο Ιωσίας να ισινέ οτθέ. Ο Ιερεμίας ντα ο Ιωσίας βοηθιντέ ο εκ ι γιαβερές τι κερέν ο σωστός ντα τι ασουνέν ι Ιεχωβάς.

Σο σικλιόσα οντουλένταρ σο κερντάς ο Ιωσίας;​— Ατζέ-ντα όταν ισινέ χουρντό, μανγκέλας τι κερέλ ο σωστός. Τζανέλας ότι λέσκε αμαλά έπρεπε τι μανγκέν βον-ντα ι Ιεχωβάς. Πρέπει τι αβές σίγουρος τούι-ντα ότι τραμπίνεσα αμαλέν σο μανγκένα ι Ιεχωβάς ντα σο κα βοηθίνεν-τουτ τι κερές ο σωστός!