LEHONA 8
Na I Ei Na Uo Lelei A Iohia
He ā tō manatu, pe e faigatā ke fai te mea e hako?— Ko te tokalahi o nā tino e manatu vēia e faigatā. Na taku mai e te Tuhi Paia na faigatā lele mo te tama ko Iohia ke fai te mea hako. Kae nae i ei ni ana uō na fehoahoani ki ei. Tatou akoako atili e uiga ki a Iohia ma ana uō.
Ko te tamana o Iohia ko Amone, he tupu e o Iuta. Na kino lele ia Amone nae tāpuaki ki tupua. I te taimi na oti ai te tamana o Iohia, na kavea ia Iohia ma tupu o Iuta. Kae na ko te valu ona tauhaga! He ā tō manatu, pe na kino ia e vē ko tona tamana?— Heai, nae hē vēia.
Na lapataki ia Hefanaia ki na tino ke na hē tapuaki ki na fakatuha
I te taimi koi tamaiti ai, na fia fakalogo Iohia ki a Ieova. Na ia filifilia ni uō e alolofa ki a Ieova. Ma fehoahoani atu ki latou ki a Iohia ke fai te mea hako. Ko ai nā uō iēnei a Iohia?
He tahi o ana uō ko Hefanaia. Ko Hefanaia na kavea ma he pelofeta na lapatakia nā tino o Iuta, ka tupu ni mea kino
kāfai e tāpuaki ki latou ki nā tupua. Na fakalogo Iohia ki a Hefanaia ma tāpuaki ki a Ieova, kae hē ko nā tupua.He tahi uō a Iohia ko Ielemia. Na tupulaga ma Iohia, na nonofo tafapili ki lāua i to lā tuputupu ake. Nae uō tafapili lele ki lāua, i te taimi na galo ai Iohia, na fati e Ielemia he pehe fakapitoa e uiga ki tona mihia o Iohia. Ko Ielemia ma Iohia na fehoahoani tētahi ki tētahi ke fai te mea hako ma fakalogo ki a Ieova.
Ko Ielemia ma Iohia na fehoahoani tētahi ki tētahi ke fai te mea hako.
He ā he akoakoga e kē maua i te fakatakitakiga a Iohia?— I te taimi ka koi tamaiti ai ia Iohia na fia fai e ia te mea hako. Na iloa e ia e tatau ke uō ki nā tino e alolofa ki a Ieova. Ke mautinoa e koe ke filifili ni uō e alolofa ki a Ieova ma fehoahoani ki a te koe ke fai te mea hako!
FAITAU TAU TUHI PAIA