IRUẸMWI 9
E Jerimaia Ma Dunu Yi Nẹ Ghẹ Guan Vbekpae Jehova
Vbọzẹ ne ohu e Jerimaia na gha mu ivbie ẹvbo ẹre?
E Jehova miẹ e Jerimaia fan
Ugbẹnso, emwa gha ye ima gbogiẹ ra iran gha mu ohu ima vbe ima ghaa guan vbekpae Jehova. Ọna sẹtin wa yae khan ima na gha guan vbekpae Osanobua. Uwẹ he ka roro vberriọ ẹdẹ ra?
Vbe ẹghẹ ne Jerimaia na gha rre igbama, e Jehova na tama rẹn nọ yobọ sekhae nẹ ivbie ẹvbo re niran dobọ emwi dan na ru yi. Iwinna na wa gha lọghọ e Jerimaia na ru, kevbe wẹẹ, ohan vbe gha muẹn. Ọ na tama Jehova: ‘I ma rẹn ẹmwẹ ni khian ta. Ọvbokhan kherhe ẹre I khin.’ Sokpan e Jehova na tama rẹn wẹẹ: ‘Ghẹ gie ohan muẹn. I gha ru iyobọ nuẹ.’
Vbe igiemwi, emwa dan eso vbe ẹdẹ ọkpa na fie Jerimaia fie uwe uvun nọ dinmwi nọ vuọn nẹ ekhuọrrọ. Ọ ma miẹ evbare re, ọ ma vbe miẹ amẹ wọn. Te emwa dan nii te wa gha hoo niran sẹ e Jerimaia rae ye evba nọ wu. Sokpan e Jehova keghi ru iyobọ nẹ, ọ na sẹtin lẹfe!
De emwi nu gha miẹn ruẹ vbe igiemwi ọghe Jerimaia?
TIẸRE VBE BAIBOL RUẸ
-
Jerimaia 1:4-8; 20:7-9; 26:8-19, 24; 38:6-13