Sìgà tṍó, gbò nen ólò nvèèmai lẹ́, àbèè ge bã̀ sung nyòòmai, é tṍó e lóò bel ea kil ló Jìhóvà nèva. Níí gé láá naa kọ é fùlà aa ló gè kpaá ló bel kĩ̀lma ló Bàrì. É kọ níí a nááá gé ló olo?— Kpá Káí kọ́ nu ea kil ló enè kà nvín ãa gbálà nèi, ea beè vùlè Jìhóvà, sõò ẹlẹ gáẹ̀ gé fùlà aaló gè ló bel kĩ̀lmà é ló. A bée è kòlà Jèrèmáíà. Naa é kpáá nó nu ea kilí é ló bọ̀ọ̀vẹ̀.

Tṍó e Jèrèmáíà beè di mm̀ a ãa, Jìhóvà beè kọ́ nèe kọ á ãane gbò nen kọ bàá kùb ge nagĩ pọ́lọ́ nu. Níí beè palà ge tàvàla ló Jèrèmáíà ge naa, vaá pọ̀ beè sií e. Ẹlẹ beè kọ́ nè Jìhóvà kọọ̀: ‘N da ním nyímà ló nu ge kọ̀. M̀ didí kà pánvín.’ Sõò Jìhóvà beè kọọ̀: ‘Pọ̀ á gá sií ni. N da gé nveèbá nè ni.’

Vó beè naa kọ Jèrèmáíà á gboó dààmà togó ge ãane gbò nen kọ bàẹ́ néva kpọ̀té,  e be bà náa nyááná ba dùm. É kọ ò bulà kọ gbò není beè naà gé é nu e Jèrèmáíà beè kọ́ nèva?— Ẽ́èe, ba beè nvèè mae lẹ́ àbèè ge palà ge bã̀ súng nyòòma e. Kàsĩ́, sìgà gbò beè gbĩ́ ge fẹ́ẹ! Olo bulà kọ níí beè tọáló Jèrèmáíà naàvà ẹ?— Pọ̀ beè sií e, vaá à kọọ̀: ‘N da ním ló ná tọ́ọ̀ kà bel kĩlma ló Jìhóvà.’ Sõò é kọ ẹlẹ beè aa deè fùlà gé aa ló?— Ẽ́èe, náè naà vó. Náa beè laá fùlà aa ló gè ló bel kĩlma ló Jìhóvà, boo béè kọ ẹlẹ beè vùlee zoogá. Vaá Jìhóvà beè kùbmà Jèrèmáíà boo béè kọ ẹlẹ náa beè fùlà aa ló gè ló bel kĩ̀lmà é ló.

Dìbelí nu dòòmà bá, sìgà gbò pọ́lọ́ nen beè tobví Jèrèmáíà tẹlẹ mm̀ gbele kètẽ́ bànà e gbá di m. Náè ié gyã́á àbèè múú ge õ̀. Ba beè gbĩ́ kọ Jèrèmáíà á ù, gbẹá bànàa. Sõò Jìhóvà beè nvèèbá nèe kọ á aa m!

Éé níe olo é láá nó lọl ló nu dòòmàbá Jèrèmáíà e?— kalì bèè pọ̀ beè sií e sìgà tṍó, ẹlẹ náa beè òòà aa ló ge kọ́ kpẹa ea kil ló Jìhóvà. Tṍó e olo kọ́ọ̀ kpẹa ea kil ló Jìhóvà, gbò nen gé láá nvèèma ni lẹ́, abèè ge bã̀ súng nyòòma ni. Níí ge láá siíma ni kẹ́ẹ àbèè ge siíma pọ̀. Sõò ó gá òòà aa ló ge kọ́ kpẹa ea kil ló Jìhóvà. Jìhóvà é ólòó nvèèbá nè ni beli bé eaẹ̀ nvèèbá nè Jèrèmáíà naaá.