KAU 9
A Jeremia kai noho te vānaŋa te oho o ruŋa i a Iehoha
¿O te aha te taŋata i riri ai mo Jeremia?
A Iehoha i haꞌūꞌū i a Jeremia mo toꞌo mai roto i tū pū era
E ai rō ꞌā te taŋata he riri, he kakata e he haka meꞌe-meꞌe mai mo vānaŋa tātou o ruŋa o Iehoha. Peaha he manaꞌu koe mo haka rē te vānaŋa te oho o ruŋa i a Iehoha, ¿I manaꞌu rō koe pe nei?... Te Puka o te ꞌAtua e ꞌaꞌamu rō mai ꞌā o ruŋa i te taŋata e tahi here ki a Iehoha, e a īa nei i manaꞌu rō mo haka rē te vānaŋa te oho o ruŋa i a Īa. Toꞌona ꞌīŋoa ko Jeremia, mai ki hāpī tātou o ruŋa i a īa.
Hora era e ꞌāpī nō ꞌā Jeremia, he uŋa e Iehoha mo haꞌaki ki te taŋata, mo haka rē te aŋa te oho i te meꞌe rake-rake. Aŋa riꞌa-riꞌa maꞌana te aŋa nei e ko riꞌa-riꞌa ꞌā. He kī ki a Iehoha: “Kai ꞌite au he aha taꞌaku meꞌe mo kī, a au he taŋa ꞌāpī nō e tahi”. He pahono e Iehoha: “ꞌIna koe ko riꞌa-riꞌa, maꞌaku koe e haꞌūꞌū”.
Kī ꞌā e Jeremia ki te taŋata, mo taꞌe huri te rāua huru haka tere, he haka kore e te ꞌAtua i a rāua. ¿I haka roŋo rō rāua?... ꞌIna kai haka roŋo. He riri tahi mo Jeremia he haka meꞌe-meꞌe e ko haŋa ꞌā mo tiŋaꞌi i a īa. Pe hē ki tuꞌu manaꞌu ¿I riꞌa-riꞌa rō a Jeremia?... Ko riꞌa-riꞌa riva-riva ꞌā a Jeremia e he kī e īa: “E ko vānaŋa haka ꞌou au o ruŋa i a Iehoha”. ¿I haka rē rō te vānaŋa te oho?... O te ai e haŋa rahi rō ꞌā ki a Iehoha, kai haka rē te vānaŋa te oho o ruŋa i a Īa. A Iehoha i haꞌūꞌū i a Jeremia i toꞌona hora ꞌati o te taꞌe haka rē te vānaŋa o ruŋa i a Īa.
E tahi mahana, he vari te taŋata rake-rake he ꞌaꞌaru i a Jeremia e he hoa ki te pū rare-rare e tahi, mo mate i roto. ꞌIna he kai e ꞌina he vai mo unu. A Iehoha i haꞌūꞌū mo toꞌo i a īa mai roto i tū pū era.
¿He aha te meꞌe mo hāpī o tātou o ruŋa i a Jeremia?... No atu toꞌona riꞌa-riꞌa, a Jeremia kai haka rē te vānaŋa te oho o ruŋa i a Iehoha. Peaha mo vānaŋa koe o ruŋa i a Iehoha, he piri atu te taŋata he haka meꞌe-meꞌe atu e he riri atu o te aŋa koe peira. No atu tuꞌu haꞌamā e tuꞌu riꞌa-riꞌa, ꞌina koe ko haka rē te vānaŋa te oho o ruŋa i a Iehoha. ꞌIna ko rehu, maꞌana koe e haꞌūꞌū pahe huru haꞌūꞌū era i a Jeremia.
MAI KI TAIꞌO I RUŊA I TE PUKA O TE ꞌATUA:
-
Jeremías 1:4- 8; 20:7- 9; 26:8-19, 24; 38:6-13