Куке ми адямиослы Иегова сярысь вераськомы, куддыръя соос серекъяло милемыз, нош куддыръя вожзэс но потто. Соин сэрен ми кышканы но Инмар сярысь верамысь дугдыны быгатӥськомы. Нош тонэн куке озьы вал-а ини?~ Библиын верамын одӥг егит пи сярысь, кудӥз Иеговаез яратэ вал. Одӥг пол со ӧжыт гинэ Инмар сярысь верамысь ӧз дугды. Со пилэн нимыз вал Иереми́я. Ойдо со сярысь тросгес тодомы.

Иегова егит Иеремияез адямиослы вераны косӥз, соос урод ужъёс лэсьтэмысь мед дугдозы шуыса. Сётэм уж Иеремиялы туж секыт кадь потӥз, но со кышказ. Иеремия Иеговалы шуиз: «Мон егит ай, вераськыны уг быгатӥськы». Нош Иегова солы вераз: «Эн кышка. Мон тыныд юртто».

 Соку Иеремия адямиослы вераны кутскиз, соос ӧз ке тупатске, кыл кутытэмын луозы шуыса. Кызьы тон малпаськод, адямиос Иеремиялэсь кылъёссэ пелязы понӥзы-а?~ Ӧз. Соос Иеремияез серекъяны кутскизы, но соослэн туж вожзы потӥз солы. Куд-огъёсыз сое виыны но малпазы! Кызьы тон малпаськод, мар шӧдӥз Иеремия?~ Со кышказ но шуиз: «Мон Иегова сярысь уг вера ни». Иеремия зэмзэ ик кышказ но верамысь дугдӥз меда?~ Чик но ӧз. Со Иеговаез туж яратӥз, соин ик солэн Иегова сярысь верамез потэ вал. Нош Иеремия шуг-секытъёслы ӧз сётскы бере, Инмар сое утиз.

Одӥг пол урод адямиос Иеремияез дэриен тырмытэм мур гуэ куштӥзы. Солы ву но, сиён но ӧз сётъялэ. Соослэн потэ вал, Иеремия отын мед кулоз шуыса. Но Иегова Иеремиялы мозмытскыны юрттӥз.

Малы тон дышетскыны быгатӥськод Иеремиялэсь?~ Иеремия Иегова сярысь вераны куддыръя кышказ ке но, со сярысь верамысь ӧз дугдылы. Иегова сярысь мукетъёсызлы верамед кинлы ке но уз кельшы, вылды. Со понна тонэ серекъяны но быгатозы. Тыныд возьыт яке кышкыт но луоз, вылды. Озьы ке но, Иегова сярысь верамысь ноку но эн дугды! Кызьы Инмар Иеремиялы котьку юрттӥз, тыныд но озьы ик юрттоз.