ئادەملەرگە يەھۋا توغرىسىدا ئېيتقىنىمىزدا،‏ بەزىدە ئۇلار بىزگە كۈلىدۇ ياكى ئاچچىقلىنىدۇ.‏ شۇ چاغدا خۇدا توغرىسىدا سۆزلىگىمىز كەلمەي قېلىشى مۇمكىن.‏ سىزدىمۇ شۇنداق ئەھۋال بولغانمۇ؟‏ –‏ مۇقەددەس كىتابتا يەھۋانى ياخشى كۆرگەن،‏ بىراق ئۇ توغرىسىدا سۆزلىگىسى كەلمىگەن ياش يىگىت توغرىسىدا يېزىلغان.‏ ئۇنىڭ ئىسمى يەرەمىيا بولغان.‏ كېلىڭ،‏ ئۇ توغرىسىدا كۆپرەك بىلىۋالايلى.‏

يەرەمىيا ياش بولغاندا،‏ يەھۋا ئۇنىڭغا ئادەملەرنى يامان ئىشلىرىنى توختىتىشقا ئەسكەرتىشنى تاپشۇرغان.‏ لېكىن بۇ تاپشۇرمىنى ئورۇنلاش يەرەمىياغا قىيىن ۋە قورقۇنۇچلۇق بولغان.‏ ئۇ يەھۋاغا:‏ «مەن تېخى ياش،‏ نېمە ئېيتىشىمنى بىلمەيمەن»،‏—‏ دىدى.‏ يەھۋا بولسا ئۇنىڭغا:‏ «قورقما،‏ مەن ساڭا ياردەم بېرىمەن»،‏—‏ دىدى.‏

شۇڭا يەرەمىيا ئادەملەر يامان ئىشلىرىدىن قايتمىسا،‏ خۇدا ئۇلارنى جازالايدۇ دەپ  ئەسكەرتتى.‏ قانداق ئويلايسىز،‏ ئادەملەر يەرەمىيانىڭ سۆزىگە قۇلاق سالدىمۇ؟‏ –‏ ياق،‏ ئۇلار يەرەمىيانى زاڭلىق قىلىپ،‏ ئۇنىڭغا ئاچچىقلاندى.‏ بەزىبىرلىرىنىڭ ئۇنى ھەتتا ئۆلتۈرگۈسى كەلدى!‏ شۇ چاغدا يەرەمىيا ئۆزىنى قانداق ھېس قىلدى دەپ ئويلايسىز؟‏ –‏ ئۇ قورققىنىدىن:‏ «بۇنىڭدىن كېيىن يەھۋا توغرىسىدا سۆز قىلمايمەن»،‏—‏ دىدى.‏ ئۇ ھەقىقەتەن قورقۇنچقا بېرىلدىمۇ؟‏ –‏ ياق،‏ بېرىلمىدى.‏ يەرەمىيا يەھۋانى ناھايىتى ياخشى كۆرگەنلىكى ئۈچۈن،‏ ئۇ توغرىسىدا ئېيتماي يۈرەلمىدى.‏ قورقۇنچقا بېرىلمىگەنلىكى ئۈچۈن،‏ يەھۋا يەرەمىيانى دائىم قۇتۇلدۇراتتى.‏

مەسىلەن،‏ بىر كۈنى يامان ئادەملەر يەرەمىيانى پاتقاققا تولغان قۇدۇققا تاشلاۋەتتى.‏ ئۇ يەردە يە تاماق،‏ يە سۇ بولمىغان.‏ بۇ ئادەملەر يەرەمىيانىڭ شۇ يەردە ئۆلۈپ قېلىشىنى خالىدى.‏ بىراق يەھۋانىڭ ياردىمى بىلەن ئۇ ئامان قالدى!‏

يەرەمىيانىڭ مىسالىدىن قانداق ساۋاق ئالالايسىز؟‏ –‏ ئۇ بەزىدە قورققان بولسىمۇ،‏ يەھۋا توغرىسىدا سۆزلەشنى توختاتمىغان.‏ سىز باشقىلارغا يەھۋا توغرىسىدا ئېيتقاندا،‏ ئادەملەر سىزگە كۈلۈشى ياكى ئاچچىقلىنىشى مۇمكىن.‏ شۇندا سىز خىجىل بولۇشىڭىز،‏ ھەتتا قورقۇشىڭىزمۇ مۇمكىن.‏ لېكىن يەھۋا توغرىسىدا سۆزلەشنى ھەرگىز توختاتماڭ.‏ خۇدا يەرەمىياغا ياردەم بەرگەندەك،‏ سىزگىمۇ ياردەم بېرىدۇ!‏