Bo ci ule o re ade cahmane ri wangom?— Mataio, Mareko, Luke, Ioane, Peteru, Iakobo, Juda, ne Paulo. Buic’ ome hna menenge ome ri tene ri ezieni Iesu, ne hna nunue o re ta tusi ri poni Iesu. Dai acidano buice lo ke ej.

Xara theri ni buice aposetolo hna pule sese ne Iesu. La ke buic?— Mataio, Ioane, ne Peteru. Rue aposetolo Mataio ne Ioane nidi acidano Iesu, ka bushengone hna nunue ri pon’ o re ci roi ni Iesu. Ioane aposetolo hna nunue o  re tusi yelene Ahngabot ne theri joko kore tusi: 1 Ioane, 2 Ioane ne 3 Ioane. Peteru hna nunue tru kore tusi: 1 Peteru ne 2 Peteru. Ri truon’ o re tusi ni bon, bone hna lae natane o re eziene Iehova hna berede sere ri awe ri poni Iesu: “Ome kore tenego me wahnacor, inu ci opodo nubon.”

Sotene ri wangom ci lae nata Iesu joko du eje ri ta tusi hnei buice hna nunue. Ome sa buic Mareko. Bone ineko hna melei joko ri eziene hna cori Iesu ne hna ule o re nodei ace hna pina. Ome sa joko Luke. Bone doketra. Bone hna kokonieni Iesu thubenelo o re taeto ni Iesu.

Tru kore rue celua ni Iesu bo ci ule ome ri wangom. Bo ha ule ore yeleni bushengon?— O re yeleni bushengone ko Iakobo ne Juda. Ri hnadane, bushengone deko ma une du Iesu. Bushengone hna dai uane ko nubone ha one. Thubenelo melei, ile bushengone me une du Iesu, ha ile me rue kokonieni Iesu.

Ome ko se ngome hna nunue ri poni Iesu: Paulo. Ri dane bone hna kokonieni Iesu, yeleni bone Saulo. Bone hna kecon’ o re nodei kokonieni Iesu, ka hna nidi nia du buic. Bo ha ule ko nge kore tane Paulo hna alane co kokonien?— Ri se ran, bone ci hue ri len, ile me canga taedengi o re la nengoce wene ri aw. Melei Iesu! Iesu ci eto bon: “Nge ko ke bo ci nia ngomono buic’ o re ci une du nu?” Thuben’ omelei, ilei Paulo me kokonieni Iesu. Paulo hna waimomone 14 kore tusi ri Tusi Hmijoc, whane ri tusi Rome ca pina ri tusi Hebera.

Eje ci ieie o re Tusi Hmijoc ri nodei ran, ca nge?— Lene ri ci ieie o re Tusi Hmijoc, hmaiai kore nodei ace eje ci yenone ri poni Iesu. Bo ci alane te co cara jewe hmaiaione ri poni Iesu?—