PELAJARAN 14
Buku Taha Dolea Kerajaan Dewoparentah
Yala pi Kerajaan nuku hei wosakolah. E hotau heiopi Kerajaan nala?
Kerajaan dokopang lei nuku de hekaiy. Amakang dotafuda ruli heimia dewoparentah. Ri hiyeng rena Kerajaan ba Allah hei, he Lei mu ma?
Firdaus miya nala he ko e mipaneng?
Pi birang de rama amoni! Firdaus mia, ama wala dokawai ya yenang na. Amakang dotafuda lamidiyena nahani. Tarik tafiy ya mong tanitang bay walna. Ama hiyeng akuta dong halal kang ya ama ba hawei kuli dong mahiy kang. Ama ba lak beka bay dong lak kang, ya de dakur. Amakang wei dotafuda he siyeng dong hadoa ba tukai faring. Binatang karikarnuku dong la diyenghiyena. Dong wal beka mipidasama na. Ama mona wei dewai midabirang diy. Ama kabei ba pi hei wosakolah diy hedosama Ribka, Rahab, Daud, ya Elia. Dewai midabirang
Yehuwa homi kul mi iyena. Domaha e rama amoni. Yehuwa hei e wosakolah iti ya e heluk, birang mihalor ba Firdaus masena mia e hiyeng kang! Omaha Firdaus mibirang?