Kan jy raai van watter Koninkryk ons praat?— Ja, dit is God se Koninkryk, die Koninkryk wat die aarde ’n paradys sal maak. Wil jy graag meer leer oor hierdie Koninkryk?—

Elke koninkryk het ’n koning. En die koning regeer oor die mense van sy land. Weet jy wie die Koning van God se Koninkryk is?​— Dit is Jesus Christus. Hy woon in die hemel. Hy sal binnekort Koning oor almal op die aarde wees! Dink jy ons sal gelukkig wees wanneer Jesus Koning oor die hele aarde is?—

Ons sal baie gelukkig wees! In die Paradys sal mense nie meer baklei of oorlog maak nie. Almal sal lief wees vir mekaar. Niemand sal siek word of doodgaan nie. Die blindes sal sien, die dowes sal hoor en mense wat vroeër nie kon loop nie, sal kan hardloop en spring. Almal sal oorgenoeg kos hê om te eet. En die diere sal met mekaar en met ons vriende wees. Mense wat doodgegaan het, sal weer lewe. Baie van die manne en vroue van wie jy in hierdie brosjure geleer het, soos Rebekka, Ragab, Dawid en Elia, sal ook weer lewe!  Sal jy graag met hulle wil praat?—

Jehovah is lief vir jou en wil hê dat jy gelukkig moet wees. As jy aanhou om van Jehovah te leer en aan hom gehoorsaam te wees, sal jy vir ewig in ’n pragtige paradys kan lewe! Is dit wat jy wil hê?—