Nahibalo ka ba kon unsa kini nga Gingharian?— Oo, kini mao ang Gingharian sa Diyos, ang Gingharian nga maghimo sa tibuok yuta nga usa ka paraiso. Gusto ka bang makakat-on ug dugang bahin niini nga Gingharian?—

Ang matag gingharian may usa ka hari. Ug ang hari magmando sa mga tawo sa iyang nasod. Nahibalo ka ba kinsay Hari sa Gingharian sa Diyos?— Si Jesu-Kristo. Siya nagpuyo sa langit. Sa dili madugay, siya mahimong Hari sa tanan dinhi sa yuta! Magmalipayon kaha kita kon si Jesus na ang Hari sa tibuok yuta?—

Kita magmalipayon gayod! Sa Paraiso, ang mga tawo dili na makig-away o makiggubat. Ang tanan maghigugmaay na sa usag usa. Wala nay masakit o mamatay. Ang buta makakita na, ang bungol makadungog na, ug kadtong dili makalakaw, makadagan ug makalukso na. Ang tanan duna nay daghang pagkaon. Ang mga hayop managhigala na sa usag usa ug sa mga tawo. Ang mga tawo nga nangamatay mabuhi pag-usab. Daghan sa mga lalaki ug babaye nga imong nailhan niini nga basahon sama kang Rebeca, Rahab, David, ug Elias mabuhi pag-usab! Gusto ba nimo nga  mailaila sila sa dihang sila mabuhi pag-usab?—

Si Jehova nahigugma nimo ug gusto niya nga magmalipayon ka. Kon mopadayon ka sa pagkat-on bahin kang Jehova ug mosunod kaniya, ikaw mabuhi sa walay kataposan sa usa ka nindot nga paraiso! Gusto ba nimo kana?—