Tu a, i gen bang Gam hiam cih na up mawh gen dih?—Hi mah, Pasian Gam hi, tua Gam in leitung pen paradais-a hong bawlsak ding hi. Hih Kumpi Gam thu na thei nuam lai naa?—

Gam khempeuh in kumpi kinei hi. Tua kumpi in a gam sunga om mipi-te uk hi. Pasian Gam Ukna a, Kumpi in kua hiam cih na thei naa?—Jesuh Khrih aive. Amah vantungah teng hi. Asawtlo in ama’n Kumpi in leitunga mi khempeuh uk tading hi! Jesuh in leitungbup Kumpi in hong uk ciang i lung nuamin na um hiam?—

I lung nuam mahmah ding hi! Paradias ah mite kido ahihkeileh gal simin kipai nawn lo ding hi. Mi khempeuh khat le khat ki-it ding uh hi. Kua mah cina in ahihkeileh si nawn lo ding hi. Mittawte khua mu a, bilngongte khua za a, tua teh lam a pai thei lote tai-in diang ding uh hi. Mi khempeuh annek tuidawn kicing ding uh hi. Tua teh ganhingte khat le khat kilem a, ei tawh zong i kilem tading hi. A si mi tampi hong nungta kik ding hi. Hih laibu sunga na sin numei le pasal tampi-te ahi Rebekah, Rahab, David leh Elijah-te zong hong nungta kik  ding uh hi! Amau tawh na ki mu nuam naa?—

Jehovah in nang hong it a, hong lungnuamsak nuam hi. Nangh Jehovah thu sin behin ama thu na mang leh a hoih mahmah paradais ah na nungta tawntung ding hi! Tua in na ut pen hi lo maw?—