Hiɗon anndi fii laamu honngu wona e wowleede fii mun ? — Ko goonga, ko Laamu Allah ngun. Ko ngun Laamu waɗoyta aduna on fow aljanna. Hiɗon faalaa anndude fii ngun Laamu ? —

Laamu kala no mari lanɗo. E ko lanɗo on laamotoo yimɓe leydi makko ndin. Hiɗon anndi hommbo woni Lanɗo Laamu Allah ngun ? —Ko annabi Iisaa. Ko ka kammu o woni. Neeɓataa o wonay lanɗo aduna on fow. Hiɗon sikkude en heɓay weltaare si annabi Iisaa wonii Lanɗo aduna on fow ? —

En weltoto moƴƴa ! Ka Aljanna, yimɓe ɓen waɗataa gere hannde kadi. Mo kala yiɗay ɗimmo mun. Hay e gooto nawnataa maa maaya. Bumɓe ɓen yi’oyay, pahooɓe ɓen nanoyay e ɓee ɓe waawataa yahude waawoyay dogugol e hoccagol. Fow heɓoyay ko ɲaama. Kulle ɗen welday e ɗe weldida e men. Mayɓe ɓen immintinoyte. Yimɓe buy ɓe jannguɗon fii mun e nder ndee deftere wano Rifqatu, Raabi, Dawda e Eliiya immintinoyte kamɓe kadi ! On faalete ɓe yi’ude si ɓe immintinoyaama ? —

 Yahuwah no yiɗi on e himo faalaa yo on heɓu weltaare. Si on jokkii janngugol fii anndugol Yahuwah, ɗoftoo mo, on wuuray haa poomaa ka nder aljanna ! Ko ɗun faalaɗon ? —