આપણે કઈ સરકાર વિશે વાત કરીએ છીએ?— હા, એ છે ઈશ્વરનું રાજ્ય. એ રાજ્ય આખી પૃથ્વીને બાગ જેવી સુંદર બનાવશે. એ રાજ્ય વિશે તમને વધારે શીખવું છે?—

દરેક રાજ્યના એક રાજા હોય છે. રાજા પોતાના દેશના લોકો પર રાજ કરતા હોય છે. તમને ખબર છે ઈશ્વરના રાજ્યના રાજા કોણ છે?— ઈસુ ખ્રિસ્ત. ઈસુ સ્વર્ગમાં રહે છે. બહુ જ જલદી તે આખી દુનિયા પર રાજ કરશે. હા, દરેક લોકો પર રાજ કરશે. ઈસુ ખ્રિસ્ત રાજ કરશે ત્યારે, શું આપણે બધા ખુશ હોઈશું?—

હા, આપણે બહુ જ ખુશ હોઈશું. ઈશ્વરના રાજમાં લડાઈ-ઝઘડા નહિ હોય. લોકો હળીમળીને રહેતા હશે. તેઓમાં ખરો પ્રેમ હશે. બીમારી નહિ હોય, મરણ પણ નહિ હોય. આંધળા લોકો દેખતા થશે, બહેરા લોકો સાંભળતા થશે. લંગડા લોકો દોડતા અને કૂદતા થશે. બધા પેટ ભરીને ખાશે. બધાં પ્રાણીઓ એકબીજા સાથે શાંતિથી રહેશે. આપણને પ્રાણીઓનો ડર પણ નહિ લાગે. અરે, ગુજરી ગયેલા લોકોને પણ જીવતા કરવામાં આવશે! આ પુસ્તકમાં આપણે રિબકા, રાહાબ, દાઊદ અને એલીયા જેવા ઈશ્વરભક્તો વિશે શીખ્યા. તેઓને પણ જીવતા કરવામાં આવશે. શું તમે તેઓને મળવા ચાહો છો?—

 યહોવા તમને ખૂબ જ પ્રેમ કરે છે. યહોવા ચાહે છે કે તમે હંમેશાં ખુશ રહો. તે ચાહે છે કે તમે તેમના વિશે શીખતા રહો અને તેમનું કહેવું માનતા રહો. એમ કરશો તો સુંદર પૃથ્વી પર તમે કાયમ જીવશો. તમને એવું જ જોઈએ છે ને?—