DILONGI 14
Kimfumu Yina Ta Yala Ntoto ya Mvimba
Keti nge me zaba Kimfumu yina beto ke tubila?— Ee, yo kele Kimfumu ya Nzambi, Kimfumu yina ta kumisa ntoto paladisu. Nge ta zola kuzaba mambu ya me tala Kimfumu yina?—
Konso Kimfumu ke vandaka ti ntotila. Mpi ntotila ke yalaka bantu ya insi na yandi. Keti nge me zaba Ntotila ya Kimfumu ya Nzambi?— Yo kele Yezu Kristu. Yandi ke zingaka na zulu. Kubika fioti, yandi ta yala bantu yonso awa na ntoto! Keti nge ke yindula nde beto ta vanda na kiese ntangu Yezu ta yala ntoto ya mvimba?—
Inki mambu nge ke vingila kumona na Paladisu?
Beto ta vanda na kiese kibeni! Na Paladisu, bantu ta nwana ve mpi ta kwenda ve na bitumba. Bantu yonso ta zolanaka. Maladi mpi lufwa ta vanda ve. Bifwa-meso ta mona, bifwa-makutu ta wa, mpi bantu yina lenda tambula ve ta baka ntinu mpi ta pumbuka. Madia ta vanda mingi sambu na bantu yonso. Bambisi ta zinga na ngemba na kati na bo mpi ta zinga na ngemba ti beto. Bantu yina me fwaka ta futumuka. Bantu mingi na kati ya babakala mpi bankento yina nge me longuka na kamukanda yai mu mbandu, Rebeka, Rahabi, Davidi, mpi Eliya ta vutuka diaka na luzingu! Keti nge ta zola kukutana ti bo ntangu bo ta futumuka?—
Yehowa ke zolaka nge mpi kele na mpusa nde nge vanda na kiese. Kana nge landa kulonguka mambu ya Yehowa mpi kulemfukila yandi, nge ta zinga mvula na mvula na paladisu mosi ya kitoko! Keti yo kele diambu yina nge ke zola?—
TANGA NA BIBLIA NA NGE
Nge Lenda Sepela Mpi Ti
MUKANDA YA BANKENDA YA BIBLE
Mukanda ya Bankenda ya Bible—Bangogo ya Luyantiku
Masolo ya kieleka ya beto me baka na mukanda ya kuluta nene na ntoto ya mvimba, Biblia, kele ti disolo ya ke yantika na lugangu ya bima yonso.
NZOZULU YA NKENGI
Nzambi Lenda Wa Mpasi na Ntima—Mutindu Beto Lenda Sepedisa Yandi
Keti nge me zaba nde nge lenda pesa Yehowa kiese to mpasi na ntima? Longuka mutindu diambu yina Adami mpi Eva salaka pesaka Yehowa mpasi na ntima.
