Хайдағ Ӱлгӱдеңер чоох парар, сизіндің ме?~ Йа, прай чирні рай ит салар Худайның Хан-ӱлгӱзінеңер. Ол Хан-ӱлгӱдеңер кӧп арах піліп аларға хынчазың ма?~

Полған на ӱлгӱде позының чонынаң устапчатхан хан пар. Худайның Хан-ӱлгӱзінде кем Хан полча, пілчезің ме?~ Иисус Христос. Ол тигірде чуртапча. Ӱр ниместең чир ӱстӱнде чуртапчатхан кізілернең, прайзынаң, устир! Хайди сағынчазың, Иисус прай чир ӱстӱнің Ханы пол парза, піс часкалығ поларбыс па?~

Йа, піс уғаа часкалығ поларбыс! Райда кізілер паза чааласпастар, олар удур-тӧдір хынызарлар. Пірдеезі ағырбас паза ӱребес. Кӧрбинчеткен кізілер кӧрерлер, испинчеткеннер — ис сығарлар, пас чӧр полбинчатханнар, тізең, чӱгӱр тее, сегір тее поларлар. Прайзының тадылығ чиис кӧп полар. Аңнар пістің нанҷыларыбыс поларлар паза удур-тӧдір ынағ чуртирлар. Ӱреп парғаннар хатап чуртирлар. Пу брошюра хоостыра син танызып алған кізілернің кӧбізі тірілерлер, оларның аразында Реве́кка,  Раа́в, Илья́ паза Дави́д. Оларға тоғазарға хынчазың ма?~

Иегова сағаа хынча паза сині часкалығ ползын тіп сағынча. Иеговадаңар анаң андар піліс алзаң паза аның чооғын иссең, син уғаа сіліг райда мӧге чуртап поларзың! Андағ райда чуртирға хынчазың ма?~