Uejiia se Unguvulu uebhi u tua mu zuela?— Kiene muene, o Utuminu ua Nzambi, o Utuminu ua-nda bhangesa dingi o ixi ku kala palaízu. Ua mesena kuijiia dingi ia lungu ni Utuminu iú?—

O utuminu uoso ua tokala u kala ni sobha. O sobha u tumina o athu mu ixi iê. Eie uejiia se nanhi o Sobha ia Utuminu ua Nzambi?— Jezú Kristu. Muéne uene ku diulu. Kua kambe ngó, muéne ua-nda kala Sobha ia athu oso mu ixi! O kuila tua-nda sanguluka kioso Jezú kia-nda kala Sobha ia ixi ioso?—

Tua-nda zediua kiavulu! Mu Palaízu, o athu ka-nda bhânga dingi, ka-nda lua dingi ita. O athu oso a-nda di zola. Se-ku muthu ua-nda kata, mba kufuá. O ifofo ia-nda mona, o axilu a-nda kuívua, oso ka mu tena kuenda lelu, a-nda tuka-tuka. Kua-nda kala kudia kuavulu phala o athu enioso. O iama ia-nda di bhana kiambote mudiâ, a-nda kala ué makamba metu. O athu afú kiá, a-nda vutuka ku muenhu. Athu avulu u ua di longo mu kadivulu kaka, kála Bebeka, Lahaba, Davidi, ni Elija, a-nda vutuka ué ku muenhu!  Ua mesena ku a ejiia kioso kia-nda vutuka ku muenhu?—

Jihova ua ku zolo, ua mesena kuila eie u zediua. Se u suluka mu ku di longa ia lungu ni Jihova ni ku mu belesela, ua-nda kala ni muenhu ua kalelaku mu palaízu ia iuka! Kiki kiene ki ua mesena?—