Һәла тӧ дькари бежи, әм дәрһәԛа кʹижан Пʹадшатийе хәбәр дьдьн?~ Әре, әв Пʹадшатийа Хԝәде йә. У әв Пʹадшати ԝе әʹрде бькә щьнәт. Тӧ дьхԝази дәрһәԛа ве Пʹадшатийе һе зедә пебьһʹәси?~

Дь һәр пʹадшатийеда һәйә пʹадша. У пʹадша ль сәр щьмәʹта хԝә, әʹрде хԝәда пʹадшатийе дькә. Ле тӧ зани, ԝәки дь Пʹадшатийа Хԝәдеда кʹи йә пʹадша?~ Иса Мәсиһ. Әԝ ль сәр әʹзмана йә. У зутьрәке әԝе ль сәр һʹәмуйа бьбә пʹадша! Ле ча тӧ дьшьрмиш дьби, чахе Иса ль сәр тʹәмамийа дьнйайе пʹадшатийе бькә, һьнге әме бәхтәԝар бьн?~

Бәле, әме гәләк бәхтәԝар бьн! Дь щьнәтеда мәри тʹәви һәв ԝе шәрʹ нәкьн. Һәр кәс ԝе һәвдӧ һʹьз бькьн. Тʹӧ кәс ԝе ида нәхԝәш нәкʹәвә у нә жи бьмьрә. Чʹәʹве кора ԝе вәбьн, кәр ԝе бьбьһен. У еԝед кӧ нькарьн рʹе һәрʹьн, ԝе бькарьбьн рʹе һәрʹьн у бьрʹәвьн. Хԝарьна һәр кәси ԝе тʹер тʹьжә бә. Һʹәйԝан ԝе һәврʹа бьлизьн, у әме жи тʹәви ԝан бьлизьн. Әԝ мәри йед кӧ мьрьнә, ԝе диса вәгәрʹьн жийине. Те бира тә, жь ве брошуре тә дәрһәԛа гәләк мер у жьна пеһʹәсийайи. Мәсәла Рәбәка, Рәхаб, Даԝьд у Әлйас. Тӧ зани ԝәки әԝана жи ԝе вәгәрʹьн жийине! Ле чахе әԝана  вәгәрʹьнә жийине, тӧ дьхԝази ԝана бьвини?~

Йаһоԝа тә һʹьз дькә у дьхԝазә ԝәки тӧ бәхтәԝар би. Һәрге тӧ бәрдәԝан ки дәрһәԛа Йаһоԝа пебьһʹәси у тʹьме гора ԝи бьки, тӧйе бькарьби дь щьнәта бәдәԝда һʹәта-һʹәтайе бьжи! Тӧ дьхԝази дь щьнәтеда бьжи?~