Hela tu dikarî bêjî, em derheqa kîjan Padşatiyê xeber didin?~ Erê, ev Padşatiya Xwedê ye. Û ev Padşatî wê erdê bike cinet. Tu dixwazî derheqa vê Padşatiyê hê zêde pêbihesî?~

Di her padşatiyêda heye padşa. Û padşa li ser cimeta xwe, erdê xweda padşatiyê dike. Lê tu zanî, wekî di Padşatiya Xwedêda kî ye padşa?~ Îsa Mesîh. Ew li ser ezmana ye. Û zûtirekê ewê li ser hemûya bibe padşa! Lê ça tu dişirmîş dibî, çaxê Îsa li ser temamiya dinyayê padşatiyê bike, hingê emê bextewar bin?~

Belê, emê gelek bextewar bin! Di cinetêda merî tevî hev wê şer nekin. Her kes wê hevdu hiz bikin. Tu kes wê îda nexweş nekeve û ne jî bimire. Çevê kora wê vebin, ker wê bibihên. Û êwêd ku nikarin rê herin, wê bikaribin rê herin û birevin. Xwarina her kesî wê têr tije be. Heywan wê hevra bilîzin, û emê jî tevî wan bilîzin. Ew merî yêd ku mirine, wê dîsa vegerin jîyînê. Tê bîra te, ji vê broşûrê te derheqa gelek mêr û jina pêhesiyayî. Mesela Rebeka, Rexab, Dawid û Elyas. Tu zanî wekî ewana jî wê vegerin jîyînê! Lê çaxê ewana vegerine jîyînê, tu dixwazî wana bivînî?~

Yahowa te hiz dike û dixwaze wekî tu bextewar bî. Hergê tu berdewan kî derheqa Yahowa pêbihesî û timê gora wî bikî, tuyê bikaribî di cineta bedewda heta-hetayê bijî! Tu dixwazî di cinetêda bijî?~