A sina pa Masale naa ŋ cho leŋ suɛi a leŋ okɔɔ leŋ?—A Masale Mɛlɛkaleŋ ni. Leŋ le cho hunɔɔ chieeŋndo hoo siiŋguu kpele hɛnɛkiɔɔ ni. A yeema pa ma chɔɔlu pɛɛku a Masaleŋ ndeŋ okɔɔ?—

Masale kɛ kɛ fee nɔ Masaa. Nduyɛ, mi Masa koŋ wa masaa le wanaa cho o lɛŋnde ndɔ leŋ niŋnda. A sina pa wana cho Masaa le Masale Mɛlɛkaleŋ ndo?— Ndu cho Chiisu Kiliti ni. Nduyɛ, choo choo o cho I chali ni. O cho suŋ suŋ hunɔɔ wa Masaa le wana o wana fee o lɛŋndeŋ choo. A yiyaŋ pa maa ŋ wa a nyaale te Chiisu simnuŋ pɛ Masaa le chieeŋndo kpede?—

Ŋ cho wa a nyaale tau. O kpele hɛnɛkiɔɔ niŋ, waŋnda sɔŋga lɛ niŋ te. Nduyɛ, a kue lɛ niŋ o chɔu le. Wana o wana kaala niŋ chaŋ ndɔ wana chioo. Nduyɛ, wana nee lɛ niŋ te. Piɔm ve lɛ niŋ te. Wanaa sumɛiya cho hunɔɔ chɔ. Okoŋ, mi bobuaa soo. Namtaa bɛɛ cho hunɔɔ chɔnɔŋ o peluŋ ndaŋ choo ma kuɛ. Nyɛdiaa cho hunɔɔ wa tau. Naaŋaŋndo cho hunɔɔ wa visiaa a waŋchieeya tɛɛŋ. Waŋvilɛiya cho hunɔɔ miiŋgu yoomu. O yauwo hoo niŋ, mi ŋ pɛɛku a waŋnda apum okɔɔ. Lubɛka, Luehab, Deeve, a Ilaicha, nda bɛɛ cho hunɔɔ vɛlɛ miiŋgu yoomu! Te waŋnda  haa miiŋgu pɛ yoomu, a yeema pa ma che nda?—

Chɛhowa kaala num, nduyɛ, o yeema ma wa a nyaale. Te a lambaŋ pɛ pɛɛkoo a Chɛhowa okɔɔ, nduyɛ, ma tuei ndu diom, a cho hunɔɔ wa achal o kpele hɛnɛkiɔɔ niŋ lefafɛɛŋ. Mbo wa keŋ ŋ yeema tosaa ni?—