Kuvhura o tumbure asi Uhompa musinke owo ndi?— Nhi, Uhompa waKarunga, Uhompa ou ngau ninka uzuni naunye u kare paradisa. Ono hara kulironga kuhamena Uhompa owo ndi?—

Nkenye uhompa wa kara nahompa gwawo. Ano hompa kupangera vantu womosirongo sendi. Yilye hompa goUhompa waKarunga?— Jesus Kristusa. Age kwa kara meguru. Ntaantani nga kare Hompa govantu navenye pevhu! Ose ngatu kara noruhafo apa Jesus nga pangera uzuni naunye ndi?—

Ngatu hafa unene! MoParadisa, vantu kapi ngava litoona ndi va ze koyita. Natuvenye ngatu lihara-hara. Kwato ogu nga vera ndi a fe. Vatwiku ngava mona, yipurupuru ngayi zuvha, ano yirema ngayi genda. Navenye ngava kara nonondya dononzi. Ano yikorama ngayi lya kumwe nokukara nombili novantu. Vantu ava va fa ngava paruka hena. Vagara novakadi wovanzi ava twa lironga mosifo esi ngwendi Rebeka naRahabu naNdafita ntani Eliya ngava ka paruka hena! Ono hara kukavamona apa ngava ka paruka hena ndi?—

 Jehova ga ku hara ntani ana hara o hafe. Nsene o twikira kulironga kuhamena Jehova nokumulimburukwa, ngo ka kara narunye moparadisa zongwa! Ono hara kukakara moparadisa ndi?—