CIIYO 14
Bwaami Bweshi Bukeendeleshe Cishi Coonse
Sa inga wabushiba Bwaami mbotutokwaambawo?— Ee, mBwaami bwakwe Lesa, bweshi bukaalule cishi kuba paladaisi. Sa ulisuni kwiiya shiinji pa Bwaami ubu?—
Bwaami buli boonse bulicite mwaami. Mwaami uleendelesha bantu bamucishi cakwe. Sa ulimushi Mwaami wa Bwaami bwakwe Lesa?— Ngu Yesu Klistu. Ulekala kwiculu. Onoonobo ulaakuba Mwaami wa bantu boonse pacishi! Sa utooyeeya ayi shintu shilaakubota na Yesu akanokweendelesha cishi coonse?—
Ino nciinshi ncosunishisha kusa mukubona mu Paladaisi?
Tulaakusangalala abuumbi! Mu paladaisi teshi mukabewo nkondo nabi kulwana. Soonse tulaakunosunene. Kuciswa alufu teshi shikabeeko. Boofu balaakubona abalo bashinkite matwi balaakunyumfwa, balema balakucica akusotooka. Kulaakuba shakulya shiinji. Banyama boonse balaakunosekana pantu pomwi akukala muluumuno abantu. Bafu balaakubuka. Baanji mboweeya mukabuku aka mbuli, Labeka, Laabu, Defedi, alimwi a Elija abalo balaakubushikwa! Sa ulisuni kusa mukubabona baakubushikwa?—
watolelela kwiiya akumunyumfwila, ulaakuba abuumi bwa muyayaya mu Paladaisi! Sa ubo mbobuumi mbosuni?—
Yehova ulikusuni alimwi ulisuni ayi kosangalala. Na