Molangila i Bulopwe’ka bwisambilwa’po?— I Bulopwe bwa Leza, bwine bukalamuna ntanda ke paladisa. Le usaka kuyukila’ko bivule bitala buno Bulopwe?—

Bulopwe bonso bwikalanga na mulopwe. Kadi mulopwe ubikalanga pa bantu ba yandi ntanda. Le uyukile Mulopwe wa Bulopwe bwa Leza?— I Yesu Kidishitu. Udi momwa mūlu. Enka panō, ukekala Mulopwe wa bantu bonso badi pa ino ntanda! Le ulanga tukekala na nsangaji pasa kubikala Yesu ntanda yonso?—

Bine tukekala na nsangaji ya kafukafu! Mu Paladisa, bantu kebakekupilangapo nansha kwenda ku mavita. Batwe bonso tukesanswa. I kutupu muntu ukabela nansha kufwa. Mpofu ukamona, kijika-matwi nandi ukevwana, ne babilema bakanyema lubilo ne kutumbuka. Muntu yense ukekala na byakudya bingi mpata. Kadi banyema bakapwananga abo bene na bene, kadi bakekala balunda netu. Bafwe bakekala ke bōmi monka. Bana-balume ne bana-bakaji bavule bowefunda mu uno boloshile, kimfwa Lebeka, Lehaba, Davida ne Ediya nabo bakasangulwa!  Le nobe usaka ukemone nabo pobakasanguka?—

Yehova ukusenswe kadi usaka wikale na nsangaji. Shi wifunde myanda ya Yehova ne kumukōkela, nabya ukekala’ko nyeke mu paladisa ya dyangi! Le byo byosaka?—